კითხვის დასმა საჭირო არ არის, თავადაც კარგად მოგვეხსენება, რომ თითოეული თქვენგანი საახალწლო სამზადისშია ჩართული და ახლა მთელი ძალით ცდილობს საყვარელი ადამიანისთვის, ოჯახის წევრებისა თუ მეგობრებისთვის შესაფერისი საჩუქარი შეარჩიოს და ადრესატს ახალი წლის ღამე გაულამაზოს. იმისთვის, რომ ციებ-ცხელება შეგიმსუბუქოთ და ამ ქაოსურ პერიოდში დახმარების ხელი გამოგიწოდოთ, გთავაზობთ უნივერსალურ სასაჩუქრე ყუთებს, რომლებიც საგულდაგულოდაა დამზადებული და შექმნილია იმისთვის, რომ მისი მიმღების გული ნახვისთანავე დაიპყროს.
Beauty Box
რომელი ქალი იტყვის უარს სილამაზის ყუთზე? თავბრუდამხვევი თავის მოვლის საშუალებები, რჩეული პროდუქტები თქვენი თმის, სახისა და სხეულისთვის და კიდევ უამრავი სიურპრიზი - ქართული სასაჩუქრე ყუთები იმ სასურველი პროდუქტებითაა დახუნძლული, რომლითაც საახალწლოდ ქალების უმრავლესობის გულის მოგებას აუცილებლად მოახერხებთ.
Stunner beauty box
მაკა კვიციანის მიერ შექმნილი Stunner Body Box ერთ-ერთი ყველაზე დახვეწილი, ორიგინალური და სასურველი სილამაზის ყუთია ქალებისთვის, გვერწმუნეთ, მისი დახმარებით თქვენს ადრესატს აუცილებლად გააბედნიერებთ.
Glambox - Winter Glambox
მარიამ კვაშილავას ლიმიტირებული სეზონური სილამაზის ყუთის შეძენა მსურველთათვის 24 დეკემბერს იქნება შესაძლებელი. ქართველი მომხმარებლისთვის შექმნილი Glambox-ი 20-მდე თავის მოვლისა და დეკორატიული კოსმეტიკის ნივთებს აერთიანებს.
Beauty and the box
სილამაზის ყუთი, რომელიც 5-8 კოსმეტიკური და თავის მოვლის საშუალებითაა დაკომპლექტებული, საახალწლოდ განსაკუთრებულ პროდუქტებს გთავაზობთ.
Advert Calendars
„ადვერთ კალენდარი“ - კიდევ ერთი მშვენიერი საჩუქარია საახალწლოდ. თან, მისი დახმარებით სულაც არ არის საჭირო უშუალოდ ახალი წლის ღამეს დაელოდოთ: დანომრილი სასაჩუქრე ყუთები საშუალებას მოგცემთ თქვენი საჩუქრის ადრესატი ყოველდღიურად პატარა-პატარა საჩუქრებით გაახაროთ.
The Body Shop - Love Big Advent Calendar
Body Shop-ის „ადვერთ კალენდარი“ 25 ჯადოსნური უჯრისგან შედგება, რომლის მიღმაც მართლაც რომ თავის მოვლის ერთ-ერთი რჩეული პროდუქტებია განთავსებული.
Nuxe Advert Calendar
სხეულისა და სახის კანის მოვლის საშუალებები Nuxe-ის „ადვერთ კალენდრის“ 24 მაგიური უჯრის მიღმა იმალება. თითოეული მათგანი საჩუქრის ადრესატს განსაკუთრებულ სიურპრიზს უმზადებს.
Avon - „ადვენტ-კალენდარი: სილამაზის 12 დღე“
Avon-ის „ადვერთ კალენდარი“ 12 განყოფილებიანი სასაჩუქრე ყუთია, რომელიც თავის მოვლისა და დეკორატიული ნივთებით არის დახუნძლული.
Travel Box
ბოლოს კი უნიკალურ სასაჩუქრე ყუთთან ერთად, თქვენი რჩეულისთვის ნამდვილ თავგადასავალსაც გთავაზობთ და სამოგზაურო ყუთს წარმოგიდგენთ, რომლის დახმარებითაც შეგიძლიათ დაუვიწყარი დღეები აჩუქოთ თქვენი საჩუქრის ადრესატს. ეს სასაჩუქრე ყუთი იდეალურია მამაკაცებისთვისაც, მათთვის ხომ საჩუქრის შერჩევა ყოველთვის უდიდეს ამოცანას წარმოადგენს.
Travel Box - სამოგზაურო ყუთი
Travel Box-ში აღმოაჩენთ სასტუმროს ვაუჩერს 2 ღამე 2 ადამიანისთვის, საქართველოს სხვადასხვა რეგიონში და უამრავ საჩუქარს განკუთვნილს თავის მოვლისთვის და არა მხოლოდ.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
