8 მარტიდან რესტორნების შიდა სივრცეები ფუნქციონირებას განაახლებს. სტატიაში, The Diary-ის გუნდის ფავორიტ ლოკაციების განვიხილავთ, რომლებსაც ორშაბათიდან შეგიძლიათ ესტუმროთ.
Café Stamba
კაფე სტამბა დიდი ხანია თბილისელების თავშეყრის საყვარელ ადგილად იქცა. აქ არამხოლოდ გემრიელი სამზარეულო, არამედ მშვენიერი გარემოა იმისათვის, რომ მეგობრებთან ერთად კარგი დრო გაატაროთ, ახალი ადამიანები გაიცნოთ და სოციალიზაციით დაკავდეთ, რის დეფიციტსაც დღეს ნამდვილად განვიცდით.
Monograph
არც ისე დიდი ხანია, რაც სასტუმრო მონოგრაფი გაიხსნა. მიუხედავად Covid19-ით გამოწვეული ლოქდაუნისა, ლოკაციამ დედაქალაქის მკვიდრთათვის თავის მოწონება უკვე მოასწრო. იტალიელი მზარეულის მიერ მომზადებული კერძები გულგრილს ნამდვილად არ დაგტოვებთ. აქ საკმაოდ საინტერესო ღვინის მენიუ აქვთ, რომელშიც ექსკლუზიურ მცირე მარნებსაც იპოვით. მოგეხსენებათ, რომ მცირე მარნები მომხმარებლებში სულ უფრო მეტ პოპულარობას იძენს. ასევე, აღსანიშნავია რესტორნის ტერასა თბილისის პანორამული ხედებით, რომელიც თავს პირველივე სტუმრობაზე შეგაყვარებთ.
Sirajkhana
სირაჯხანა ღვინის სახლს ნიშნავს. ღვინოს კი (თან ქართულს) სასტუმრო „მუზეუმის“ მარანში დიდი რაოდენობით იპოვით. თუ კი ქართული ტრადიციული კერძების მოყვარული ხართ, სირაჯხანაში მათ საუკეთესო ვერსიებს აღმოაჩენთ.
Café Leila
პიტნის ცოცხალი ლიმონათი, თურქული ყავა, ჭვიშტარის ჩხირები... მგონი კაფე ლეილაში ადგილის დღესვე დაჯავშნა ურიგო იდეა არაა. გამორჩეულ კერძებთან ერთად კაფე ლეილას გარემო მოგხიბლავთ, რომელიც მინი მუზეუმს მოგაგონებთ. ასევე აღსანიშნავია მომსახურე პერსონალი, რომელიც გულგრილს არ დაგტოვებთ. მოკლედ, ლეილას The Diary-სგან 8 კი!
Shavi Lomi
შავი ლომი ბოლო ათწლეულია თბილისის თანამედროვე კულინარიულ ისტორიაში მნიშვნელოვან როლს ასრულებს. დიდი, ძველი სახლი ბაღით - კი, ეს რესტორანი შავი ლომია. ლიმონის კრევეტის კუსკუსი, ან ქათამი კაკლისა და ბროწეულის სოუსში... აბა, როგორ ჟღერს?! ქალაქის ძველ ნაწილში სეირნობისას, ამ ადგილს გვერდს ნუ ჩაუვლით!
Veriko
ბელიაშვილიდან ხალხი პეტრიაშვილზე ინაცვლებს და ღვინის ქარხანას იპყრობს. აქ კი ერთი გამორჩეული რესტორანი მდებარეობს, მაღალი დონის კერძებითა და უკარგესი მომსახურებით - საყვარელი ვერიკო ვერაზე. ხაჭაპური ტრუფელით? დიახ, ახლავე მომართვით!
Keto da Kote
ქალაქის ულამაზესი ხედით, დახვეწილი და ნატიფი, თბილისური ეზოების ესთეტიკით - ეს რესტორანი ქეთო და კოტეა. მენიუში კერძების ჩამონათვალი საკმაოდ მწირია, მაგრამ მერწმუნეთ, თითოეული მათგანი ცალკე სტატიას იმსახურებს. აქ ვერ იპოვით კლასიკურ, მამა-პაპურ ხინკალს, თუმცა აღმოაჩენთ მინი ხინკალს ყველის პესტოს სოუსით. გურმანი ხართ? მაშინ თქვენი გზა ქეთო და კოტესკენ მიდის!
Barbarestan
ბარბარესთან სტუმრობა ძველისძველ გემოებთან ზიარების და წარსულში მოგზაურობის შანსია. ეს ტრადიციული საოჯახო რესტორანია, სადაც კერძებს, მე-19 საუკუნის ლეგენდარული ქართველი მწერლისა და კულინარის - ბარბარე ჯორჯაძის ორიგინალური რეცეპტებით ამზადებენ.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
