პარიზის ოლიმპიადაზე პირველი მედალი ტატო გრიგალაშვილმა, ძიუდოს ტურნირის მეოთხე დღეს მოიპოვა.
პირველ შეჯიბრში მსოფლიოს სამგზის ჩემპიონმა მეტოქე, მიჰაილ ლატისევი დამატებით დროში დაამარცხა. მოლდოველი სპორტსმენი აკრძალული ილეთის გამოყენების გამო ასპარეზობას გამოეთიშა. მერვედფინალში გრიგალაშვილმა ავსტრიის დროშით მოასპარეზე ვახიდ ბორჩაშვილი, მეოთხედფინალში კი ტაჯიკი სომონ მახმადბეკოვი დაამარცხა.
ნახევარფინალში ტატომ სამხრეთ კორეელ ძიუდოისტს სძლია და ფინალის საგზური მოიპოვა. Champ de Mars არენაზე გამართულ ფინალში ქართველი ძიუდოისტი მსოფლიოს მოქმედ ჩემპიონთან, იაპონელ ტაკანორი ნაგესესთან დამარცხდა. ძიუდოისტმა საქართველოს პირველი მედალი, ვერცხლი მოუტანა. ტატო გრიგალაშვილის ანგარიშზე ზედიზედ სამჯერ მოგებული მსოფლიო ჩემპიონატი და ევროპის სამგზის ჩემპიონის ტიტული იწერება.
"ძალიან ნაწყენი ვარ, რადგან, რა თქმა უნდა, მთელი გუნდი და მეც მზად ვიყავით ოქროსთვის. ოქროს მედლისთვის უნდა გვებრძოლა... თუმცა, საოცნებო მიზნამდე ერთი ნაბიჯი დაგვაკლდა," - განაცხადა ტატომ პირველ არხთან ინტერვიუში.
დღეს ტატამიზე ლაშა ბექაური გამოვა. ბექაური 90 კილოგრამ კატეგორიაში ასპარეზობის პირველ ეტაპზე ბულგარელ ივაილო ივანოვს შეხვდება. შეგახსენებთ, რომ ტოკიოს ოლიმპიადაზე მოპოვებული რვა მედლიდან ნახევარი ქართველი ძიუდოისტების დამსახურებაა. საქართველოს დელეგაცია წელს ამ შედეგის გაუმჯობესებას ეცდება.
Stranger Things-ის მეხუთე და საბოლოო სეზონის ტრეილერი უკვე გამოვიდა. ტრეილერში ჩანს, რომ ჰოკინსი სამხედრო კარანტინის ქვეშაა, ქალაქი ქაოსსა და შიშს აქვს მოცული, ხოლო პერსონაჟებს ვეკნასთან გადამწყვეტი ბრძოლა ელით.
Victoria’s Secret-ის 2025 წლის შოუ ნიუ-იორკში, 15 ოქტომბერს გაიმართება. ფერადი ფრთებით, ნოსტალგიური ელემენტებითა და ახალ ენერგიით სავსე პოდიუმზე ვიხილავთ ლეგენდარულ მოდელებსა და ახალ სახეებს, მათ შორის მატილდა გვარლიანს.
ლეგენდარული Ocean’s Eleven-ის ვარსკვლავები ეკრანებზე ბრუნდებიან. ჯორჯ კლუნი ადასტურებს, რომ Ocean’s 14-ის გადაღებები რამდენიმე თვეში დაიწყება. ამასთან, Warner Bros-ი Ocean’s-ის პრიქველზეც იწყებს მუშაობს, სადაც მარგო რობისა და ბრედლი კუპერს ვიხილავთ.
