ჯამბატისტა ვალის სახლი სენაზე
იტალიელი დიზაინერი, ჯამბატისტა ვალი წლებია საფრანგეთში ცხოვრობს და მოდის სამყაროში წარუშლელ კვალს ტოვებს. ცოტა ხნის წინ ის ოჯახთან ერთად სენაზე არსებულ კუნძულზე, სენ-ლუიზე გადავიდა საცხოვრებლად.
ზაფხულის გეგმები ალბათ უკვე გაწერილი გაქვთ და დასვენებისთვის ემზადებით. შეგიძლიათ, თქვენს საზაფხულო გარდერობზე ფიქრები ჩვენ მოგვანდოთ. 2024 წლის ზაფხულის ტრენდები გასული საუკუნისა თუ თანამედროვე დიზაინით შთაგონებული სამოსის წყალობით დასვენების დღეებს კიდევ უფრო სასიამოვნოს ხდის.
წელს ტენდენციების სიას ლეოპარდის პრინტი, ფემინური სილუეტები, ფერებზე აქცენტები და კიდევ უამრავი საინტერესო ტრენდი ავსებს.
ლეოპარდის და ზებრას პრინტი
ცხოველების პრინტი 2024 წლის ერთ-ერთი მთავარი ტრენდია. წელს სანაპიროზე ლეოპარდისა და ზებრას პრინტს განსაკუთრებით ხშირად მოჰკრავთ თვალს. ძალიან მიმზიდველია ასიმეტრიული საცურაო კოსტიუმები, როგორც ბიკინი ასევე One Peace კოსტიუმი.
ზებრას პატერნმა ყოველდღიური სამოსიდან წელს საზღვაო მოდაში გადმოინაცვლა.
კლასიკური შავ-თეთრის გარდა აქტუალურია წითელი, ყავისფერი, ოქროსფერი ზოლები.
ზაფხულში თქვენი საცურაო კოსტიუმი შეგიძლიათ საზაფხულო აქსესუარებით გაამდიდროთ. Moschino-ს ამ საცურაო კოსტიუმს BALENCIAGA-ს ჩალის ჩანთას მოვუხდენდით.
მეტალი
თუ "more is more" თქვენს სტილში ჯდება, მაშინ მეტალის ინსპირაციით შექმნილი საცურაო კოსტიუმები ძალიან მოგეწონებათ. ამ სეზონზე ნებისმიერი რამ, რაც მზეზე განსაკუთრებით ბრწყინავს, ტრენდულია.
მეტალი და სიბრჭყვიალე ყველგან. ხელებზე, ყრუებზე, თითებზე - მასიური აქსესუარებით გაამდიდრეთ 2024 წლის ზაფხულის გარდერობი.
მაქსიმალიზმი
მძივები, ბრჭყვიალა დეტალები, ბაფთები, ყვავილები - ნებისმიერი დეტალი, რომელიც თქვენს ჩაცმულობას გაახალისებს, 2024 წლის ზღვის სეზონზე იდეალური გადაწყვეტილება იქნება. ინსპირაციისთვის რეტროს სტილს მიმართეთ, რომელიც არანაკლებ ტრენდულია ამ ზაფხულს. მოდის საზაფხულო ტენდენციები ბრიჯიტ ბარდოს საფრანგეთისა და "ძველი ჰოლივუდის" გაცოცხლებას ახერხებს.
SANS STRAPS
თუ რუჯის მიღება გსურთ და საცურაო კოსტიუმის თასმები ხელს გიშლით, წელს ერთ-ერთი მთავარი ტრენდი Sans Straps კოსტიუმებია. დიზაინერები 2024 წელს '70-იანების ესთეტიკით შთაგონებულ დეკოლტე კოსტიუმებს გვთავაზობენ, რომლებიც "რუჯის ხაზებს" თავიდან აგარიდებთ.
ულტრაფემინური სტილი
ულტრაფემინურობის ტენდენციას coquette-ზე მეტად ალბათ არაფერი ერგება. 2024 წელს ეს ტრენდი კიდევ უფრო აქტუალური გახდა და ის თავისი ჩოქერებით, ყვავილებით და ბაფთებით მოდის ჩვენებებზეც ვიხილეთ.
აქტუალობას არასდროს კარგავს შავ-თეთრი კლასიკური სილუეტები და 90-იანების მინიმალიზმი. ტრენდულია საზაფხულო სპორტული ტოპები და მაღალწელიანი საცურაო კოსტიუმებიც.
ანდა სულაც საქმე გაიმარტივოთ და დახვეწილი, თან გამორჩეული საცურაო კოსტიუმი, ყვავილების პრინტით შეარჩიოთ.
თავს უფლება მიეცით მაქსიმალურად ფემინურები იყოთ და ამ ყვავილებიან საცურაო კოსტიუმთან ერთად ვარდისფერი სათვალეები მოირგეთ. რა შეიძლება იყოს იმაზე მაცდური, ვიდრე სამყაროს მზერა ფერადი სათვალეებით.
არ გამოგრჩეთ
ქალაქები, რომლებიც ზღაპრებში გამოგზაურებთ
თანამედროვე სწრაფად ცვალებადი სამყაროს მიღმა არსებობს ადგილები, სადაც ჰაერი კვლავ ჯადოსნური მტვერითაა გაჟღენთილი. პატარა, მყუდრო ქალაქები, რომელთა თითოეული კუთხე-კუნჭული მეზღაპრეების წარმოსახვაში დაიბადა, იქ ჩასული კი თქვენც მაგიური სცენარის ნაწილად იქცევით. ევროპის პოპულარულ, ტურისტებით სავსე ქვეყნებში არაერთი უძველესი ზღაპრული ქალაქი ბუდობს, დღევანდელი სტატია კი რამდენიმე მათგანს გაგაცნობთ.
როგორია კამილ რაზატის პარიზული ბინა
უკვე ვიცით, თუ როგორ განვითარდება მოვლენები სერიალში "ემილი პარიზში", მაგრამ კიდევ უფრო საინტერესოა, თუ როგორ გამოიყურება მსახიობების ყოველდღიურობა მაშინ, როცა დროს ემილის პარიზული თავგადასავლის მიღმა ატარებენ.