ბოლო რამდენიმე სეზონის განმავლობაში, Tory Burch-მა შესამჩნევად დიდი ცვლილება განიცადა. მისი რეპუტაციის ცვლილება სწრაფად დაიწყო და დღეისათვის უკვე ერთ-ერთ ყველაზე სასურველ და თანამედროვე ბრენდად მიიჩნევა, რომელიც It გოგოების საყვარელ სილუეტებს აერთიანებს.
ნიუ-იორკის მოდის კვირეულზე, 2024 წლის გაზაფხული/ზაფხულის კოლექციისთვის, რომელიც წარმოდგენილია ახლად გახსნილ მეცნიერების, განათლებისა და ინოვაციების Gilder Center-ში, ამერიკის ბუნების ისტორიის მუზეუმში, Tory Burch იკვლევს კონცეფციას - „უსწრაფესი“ და მის მნიშვნელობას დღევანდელ მოდის ციკლში. კოლექცია წარმოადგენს Tory Burch-ის ოსტატურ უნარს, გაალამაზოს ქალის ფორმები.
საყელოიანი პალტო კაბებით, მერი ჯეინის სტილით შთაგონებული ფეხსაცმელებითა და მინი ქვედაბოლოებით, არის რაღაც აშკარად რეტროსეული მთელს მის ახალ კოლექციაში. და ამავდროულად, ის შორს არის წარსულისგან და ბევრად უფრო ახლოს მომავალთან, რადგან მასში ერთდროულად ცხოვრობს შესამჩნევი ფუტურისტული ასპექტი რგოლებით, ღრმა U-საყელოებითა და მზის სათვალეებით.
„ჩვენ განვავითარეთ ჩვენივე ხელწერა და ჩავატარეთ ექსპერიმენტები ახალ ფორმებზე, როგორიცაა მიკრო-მინი ქალღმერთის კაბები“, - თქვა ბურჩმა ჩვენების შემდეგ. „სკულპტურული ბლეიზერები და ტუნიკები ჩაღრმავებული U-კისრით ასახავს აქსესუარების აეროდინამიკურ მრუდს. ჩანთები ჩამოსხმულია თეძოზე დასაყრდნობად, მზის სათვალეები სახეზეა შემოხვეული და ფეხსაცმელი მთლიანად მრგვალი კიდეებითაა აგებული. ეს კოლექცია შექმნილია იმისათვის რომ მასში იცხოვრო, ის შენთან ერთად გადაადგილება და სიმსუბუქის და ოპტიმიზმის განცდას ჩაგინერგავს“.
როგორც კი ზაფხულის კაშკაშა მზე გამოასხივებს, მზისგან დამცავი სათვალე must-have აქსესუარების სიაში პირველ ადგილზე ინაცვლებს. ქართული ბრენდის Chicorée უკვე ერთი წელია მომხმარებელს განსხვავებული და ეფექტური ვიზუალის სათვალეებით ანებივრებს. გამორჩეული ფერთა გამის, კომფორტისა და სტილის შერწყმა ბრენდის პროდუქციაში მარტივად შეიმჩნევა.
ზაფხული თავისუფლების, უძილო ღამეების, აპეროლ შპრიცებისა და ხმამაღალი მუსიკის დროა. როდის, თუ არა წლის ყველაზე თავქარიან სეზონში, საკუთარ თავს გართობისა თუ დასვენების მაქსიმუმი თავისუფლება უნდა მივცეთ. რაც ასევე ეხება ჩაცმულობას, რა თუ არა სამოსი განსაზღვრავს ჩვენი ცხოვრების სტილს?! TheDiary-ს რედაქცია კი იმ მთავარ ტრენდებსა და ქართველ ბრენდებს გაგაცნობთ, სადაც მარტივად იპოვით საკუთარ თავს.
რა იქნებოდა გრავიტაციის კანონის გაუქმება რომ შეიძლებოდეს? ზაჰა ჰადიდმა ამ დილემის ამოხსნას თავისი შემოქმედება და ცხოვრება მიუძღვნა. მისი გუნდი კი უახლოეს მომავალში ნაგებობას თბილისში ააშენებს.
