ავტორი: სოფო შერგელაშვილი
სუსხიანი ამინდების დადგომასთან ერთად, აუცილებელია რუტინის განახლება. ეს ის დროა, როდესაც მსუბუქი კონსისტენცია უფრო მსუყე პროდუქტებმა უნდა ჩაანაცვლონ.
გამწმენდი
გამოიყენეთ დამატენიანებელი გამწმენდი, რომელიც სახის კანს არ გამოფიტავს და არც გააღიზიანებს. გამწმენდის შერჩევისას ყყურადღება მიაქციეთ მის შემადგენლობას, თქვენი ახალი "მეგობარი" არ უნდა შეიცავდეს ალკოჰოლსა და პარფიუმს.
Free & Clear Liquid Cleanser, 8 Ounce
ექფოლიანტი - მკვდარი უჯრედების მოშორება
მკვდარი უჯრედების მოშორება სახიდან, კანის სიჯანსაღისთვის ერთ-ერთი მნიშვნელოვანი საფეხურია. გამომდინარე იქიდან, რომ ზაფხულში ქიმიურ ექსფოლიანტებს ვერიდებით, შემოდგომა იდეალურია მათი რუტინაში ჩასმისთვის. ზაფხულში დაგროვებული მკვდარი უჯრედები საგულდაგულოდ უნდა მოვიშოროთ, ქიმიური ექფოლიანტი კი ამას სიღრმისეულად აკეთებს.
სახეზე ჭარბი რაოდენობის მკვდარი უჯრედების აღმოჩენა მარტივია, ამ დროს ჩვენი ფორები უფრო ხილული და ვიზუალურად დიდია, მკვდარი უჯრედები აფერხებენ ამა თუ იმ პროდუქტის კანში შეღწევის პროცესს, სწორედ ამიტომ, ექსფოლაციამდე, გამოყენებული პროდუქტების ეფექტი უბრალოდ ნახევრდება.
მშრალი კანის მქონეთათვის, რეგულარული ექსფოლიაცია, კვირაში 1-2 ჯერ არის რეკომენდებული, ცხიმიანი კანის შემთხვევაში კი შეგიძლიათ ამ პროცედურას 2- ჯერაც მიმართოთ.
ცხიმიანი კანისთვის - Skin Perfecting 2% BHA Liquid Exfoliant
მშრალი კანისთვის - THE ORDINARY LACTIC ACID 10% + HA 2% SUPERFICIAL PEELING FORMULATION
დამატენიენებელი
თუ ჩემი ბლოგების აქტიური მკითხველი ხართ, მაშინ სახის კანის დატენიანების მნიშვნელობაზე ყველა საჭირო ინფორმაცია გეცოდინებათ. შემოდგომის სეზონზე კანის დატენიანებას კიდევ ერთხელ შევეხები და ვიტყვი, რომ სახლი არავითან შემთხვევაში არ დატოვოთ თქვენი კანის ტიპის მიხედვით შერჩეული დამატენიანებელი საცხის გარეშე.
CeraVe® 12 oz. Moisturizing Cream
რეტინოლი
რეტინოლი ზრდის კოლაგენის გამომუშავებას და ამცირებს წვრილი ხაზებისა და ნაოჭების გაჩენას. რეტინოლის მოქმედებაზე მომდევნო ბლოგებში უფრო სიღრმისეულად გიამბობთ, მანამდე კი გეტყვით, რომ მისი გამოყენება მშრალ კანზე ხდება (თუ დამწყები ხართ და პირველად იყენებთ რეტინოლს), რათა არ მოხდეს კანის გაღიზიანება. თავის მოვლის რუტინაში რეტინოლი კვირაში მაქსიმუმ 2-ჯერ ჩასვით, გამოყენეთ იგი ღამის რუტინაში, დილით კი აუცილებლად დაიცავით თქვენი კანი მზისგან დამცავით. გაითვალისწინეთ, თუ ექსფოლიაციის დღე გაქვთ, მაშინ რეტინოლის გამოყენებისგან თავი უნდა შეიკავოთ.
The Inkey List - Retinol Serum
მზისგან დამცავი - ყველგან და ყოველთვის
ANTHELIOS ULTRA LIGHT FLUID FACIAL SUNSCREEN SPF 60
რაც მთავარია, ამინდის (ტენიანობის დონის და ტემპერატურის) ცვლილებებმა შეიძლება გამოიწვიოს კანის გაღიზიანება. არ ინერვიულოთ! ამ შემთხვევაში კანის გამოსაცოცხლებლად შეგიძლიათ გამოიყენოთ თიხის ნიღბები. ზემოთ ჩამოთვლილი პროდუქტები, კი თქვენს კანს ნამდვილად მოამზადებენ შემოდგომის სუსხიანი დღეებისთვის.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
