ხელოვნური ინტელექტი რომ საუკუნის ყველაზე ცხელი თემაა, ვთანხმდებით. იმაზეც საუბრობენ, რომ ეს უკანასკნელი ბევრი პროფესიის წარმომადგენლებს ჩაანაცვლებს და მალე ამა თუ იმ სერვისის მისაღებად კონკრეტული სფეროს პროფესიონალის დაქირავება აღარ იქნება აუცილებელი. ეს საშიშროება ფრჩხილების ტექნოლოგებს არ ემუქრებათ, პირიქით, მათ ახალი რობოტის სახით დამხმარე გამოუჩნდათ, რომელიც ფრჩხილებზე ლაქის პროფესიონალურად დატანას სულ რაღაც 10 წუთს ანდომებს.
Clockwork MiNiCURE სპეციალური რობოტის მიერ შესრულებადი პროცედურაა, რაც ე.წ. მანიკიურის ექსპრეს ვერსიას წარმოადგენს. მოგეხსენებათ, რომ “მანიკიურის” პროცედურა ფრჩხილების მოწესრიგებას, მოვლას, დიზაინის შერჩევას და ლაქის წასმას მოიცავს. Clockwork MiNiCURE კი ჩამოთვლილი პუნქტებიდან მხოლოდ ბოლოს ასრულებს და რა თქმა უნდა, გაცილებით იაფი ჯდება, ვიდრე სრული პროცედურა.
ეს უკანასკნელი იდეალურია მაშინ, როდესაც გვეჩქარება და სალონში 2 საათის გასატარებლად დრო არ გაგვაჩნია. Clockwork MiNiCURE სულ რაღაც 10 წუთს წაიღებს და შედეგად პროფესიონალურად გალამაზებულ ფრჩხილებს მიიღებთ. მოკლედ რომ ვთქვათ, რობოტი ფრჩხილებზე ლაქს გეომეტრიული სიზუსტით წაგისვამთ.
თუმცა…
პროცედურის მთავარი სირთულე იმაშია, რომ კლიენტი მაქსიმალურად გაუნძრევლად უნდა იჯდეს. მცირედი მოძრაობის შემთხვევაშიც კი შესაძლოა რობოტმა თქვენი თითების მონახაზი ვეღარ წაიკითხოს და პროცესი კრახით დასრულდეს. გარდა ამისა, პროცედურამდე ფრჩხილები თავად უნდა მოიწესრიგოთ, მოიცილოთ წინა ჯერზე წასმული ლაქი, ფრჩხილებს მისცეთ ფორმა და მხოლოდ ასე მომზადებული დაბრძანდეთ რობოტის მოპირდაპირედ სავარძელში. ჰო, ამ უკანასკნელს არც ჭორაობის ფუნქცია აქვს, ამიტომ უმჯობესია წინასწარ ტელეფონში Netflix-ზე რჩეულებში შენახული ფილმიც ჩართოთ.
რა თქმა უნდა AI-ის შესაძლებლობების სრული სპექტრის გამოყენება ამა თუ იმ სფეროში ადამიანური რესურსის შემცირებას გამოიწვევს, ამიტომ ბევრი ხელოვნური ინტელექტის იდეას კატეგორიულად ეწინააღმდეგება, თუმცა ეჭვი გვეპარება Clockwork MiNiCURE ამ საშიშროებას წარმოადგენდეს.
სააღდგომოდ პასკის ცხობის ტრადიცია საუკუნეებს ითვლის. თავდაპირველად სააღდგომო პური ძალიან მარტივად ცხვებოდა, თუმცა თანამედროვე მზარეულები მის სხვადასხვა ვარიაციებს გვთავაზობენ. დღეს უგემრიელეს პასკას ელისო გოჩავას რეცეპტითწარმოგიდგენთ, რომელიც ამ წელს თქვენს სუფრას ნამდვილად დაამშვენებს.
შეგიმჩნევიათ, ფალიაშვილის 17 ნომერში, სიმწვანეში ჩარგული პატარა სალონი? Nail Bar #1 მალე 10 წლის გახდება, ის პირველი სპეციალიზებული ფრჩხილების სალონია საქართველოში. დღეს კი The Diary-ის რედაქცია სალონის შიდა სამზარეულოში შეგიძღვებათ.
მოდის იტალიურმა ქალაქმა დიზაინის წლის მთავარ ღონისძიებას უმასპინძლა. Salone del Mobile როგორც წინა სტატიაში გითხარით, წელს 62-ე გამოშვებით დაგვიბრუნდა. გამოფენის პავილიონები სავსე იყო როგორც დებიუტანტთა ნამუშევრებით, ისე ცნობილი მოდის სახლების დიზაინებით, როგორიცაა პრადა, გუჩი, ბოტეგა ვენეტა, ლუი ვიტონი და სხვა.
