ქართულ პარფიუმერულ ბაზარს კიდევ ერთი ლეგენდარული, ფრანგული ბრენდი შემოუერთდა. ნინა რიჩის შვილიშვილის - რომანო რიჩის მიერ შექმნილი ბრენდის - Juliette has a gun ოფიციალური პრეზენტაცია სასტუმრო Radisson RED-ში, ცნობილი სახეების და ინფლუენსერების გარემოცვაში გაიმართა.
პარიზსა და გრასს შორის შექმნილი სუნამოს გმირი შექსპირის უკვდავი პერსონაჟის, ჯულიეტას, 21-ე საუკუნისეული ვერსიაა. ის თანამედროვეობას მეტაფორული იარაღით - მაცდური სუნამოთი ევლინება.
ცნობილ ბრენდს საქართველოში უკვე ბევრი თაყვანისმცემელი ჰყავს. საღამოზე მოწვეული სტუმრების დიდი ნაწილი Juliette has a gun-ის სუნამოების აქტიური მომხმარებელი აღმოჩნდა.
საღამო ბრენდის წარდგენით დაიწყო. ბრენდისა და Estel Georgia-ს შესახებ ინფორმაცია მანიკა ასათიანმა გაგვაცნო, რომელმაც საღამოს წამყვანის ამპლუა მოირგო. მოგვიანებით კი სცენა ცნობილი მოცეკვავის - ანა ლოლაძის გუნდმა დაიკავა და შეკრებილ სტუმრებს რამდენიმე თავბრუდამხვევი ცეკვა შესთავაზა.
ფერადი კოქტეილებით, კლუბური განათება და DJ Anna Sué-ის სეტი ზუსტად იმ განწყობას ქმნიდა, რასაც ფრანგული ბრენდის არომატები გადმოსცემს - ემოციას, რომელიც გაცილებით მეტია, ვიდრე "უბრალოდ კარგი სურნელი".
აღნიშნული ბრენდის ექსკლუზიური წარმომადგენელი, Estel Georgia გახლავთ, რომელიც პორტფოლიოში ათეულობით ექსკლუზიურ ბრენდს აერთიანებს. ზემოთ ხსენებული საღამოს ორგანიზებაც სწორედ ჰოლდინგის ქართული წარმომადგენლობის ანგარიშზეა.
საღამო ძლიერი და დამოუკიდებელი ადამიანებისთვის, რომლებიც ირჩევენ Juliette Has a Gun-ს - ამ მესიჯის მატარებელი გახლდათ წვეულება, რომლის შემდეგაც ეჭვი არ გვეპარება, რომ ნიშ პარფიუმერიის ერთ-ერთი გამორჩეული ბრენდის მომხმარებელი კიდევ უფრო მეტი ჩვენგანი გახდება.
შეგიმჩნევიათ, ფალიაშვილის 17 ნომერში, სიმწვანეში ჩარგული პატარა სალონი? Nail Bar #1 მალე 10 წლის გახდება, ის პირველი სპეციალიზებული ფრჩხილების სალონია საქართველოში. დღეს კი The Diary-ის რედაქცია სალონის შიდა სამზარეულოში შეგიძღვებათ.
მოდის იტალიურმა ქალაქმა დიზაინის წლის მთავარ ღონისძიებას უმასპინძლა. Salone del Mobile როგორც წინა სტატიაში გითხარით, წელს 62-ე გამოშვებით დაგვიბრუნდა. გამოფენის პავილიონები სავსე იყო როგორც დებიუტანტთა ნამუშევრებით, ისე ცნობილი მოდის სახლების დიზაინებით, როგორიცაა პრადა, გუჩი, ბოტეგა ვენეტა, ლუი ვიტონი და სხვა.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.