ღვინობისთვეს ღვინის სამშობლოში ჯაზთან სინთეზში აღინიშნება და ეს ტრადიცია უკვე რამდენიმე წელიწადს ითვლის. ჯაზისა და ღვინის დაგემოვნება 15 და 16 ოქტომბერს კახეთში, წინანდლის მამულებში, ფესტივალის, Jazz & Wine Kakheti-ის ფარგლებში იქნება შესაძლებელი.
წელს, ჯაზისა და ღვინის ფესტივალის სტუმარი ქვეყანა - ამერიკის შეერთებული შტატებია, რაც ერთგვარი სიახლეც გახლავთ ფესტივალისთვის. კახეთს, რამდენიმე ათეული ქართული ღვინის მწარმოებელთან ერთად, ამერიკელი მეღვინე ნათან ზინდერი შეუერთდება, შეფი მეთიუ დოლანი კი სტუმრებს ამერიკული კერძებით გაუმასპინძლდება.
ღვინისა და ჯაზის ფესტივალს, მსოფლიოს სხვადასხვა კუთხიდან ძალიან ცნობილი მუსიკოსები შემოუერთდებიან. 15 ოქტომბერს, წინანდლის მამულში ელექტრო სვინგის დედოფლად წოდებული ელის ფრანსისი, კაილი ოდოერტის კვინტეტი და გერმანული ლეგენდარული ჯგუფი „დი-ფაზი” ნამდვილ ჯაზურ ცეცხლს დაანთებენ. 16 ოქტომბერს კი უცხოელ მუსიკოსებს ქართველი არტისტი, დავით მაჩაიძე ჩაანაცვლებს. DJ Machaidze-ს შემოქმედება ჯაზის, დისკოსა და ჰაუს მუსიკის გავლენით ხასიათდება, მისი სეტები კი განსაკუთრებული მუსიკალური მრავალფეროვნებით.
საქართველოში ღვინის ტრადიცია პრიმიტიული ხანიდან მოდის და ის ქართველი ხალხის ცხოვრების ყოველდღიურ ნაწილს შეადგენს. სწორედ ვაზი არის ის სიმბოლური ძაფი, რომელიც ჩვენ, ქართველებს მსოფლიოსთან გვაკავშირებს. ჯაზი? ჯაზი კი თავისუფლების სიმბოლოა, ამერიკული ოცნების სიმბოლო და ამ ორის სინთეზი სად თუ არა, კახეთში, კვლავ ღვინობისთვეზე Eastern Promotion-ის ორგანიზებით მოხდება.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
