ლისაბონში მოგზაურობა თუ უკვე გადაწყვიტეთ, ჩვენ ქალაქის ერთ-ერთ საუკეთესო სასტუმროს მიგასწავლით. EPIC SANA Marquês სასტურმოების ქსელის, SANA Hotels ჯგუფის ნაწილია, რომელიც მომხიბლავი ინტერიერითა და მაღალი ხარისხის მომსახურებით პირველობას არ თმობს.
სასტუმროში შესვლისთანავე ყურადღებას ელეგანტური დიზაინი იპყრობს და დამსვენებელს საოცარი გამოცდილებისთვის ამზადებს. სასტუმროს მდიდრული ოთახები და ინტერიერი მათ ისტორიულ საწყისებს ეხმიანება, გამორჩეული ადგილია crème de la crème - ტერასა თავისი, თვალუწვდენელი Sky Pool ლაუნჯით.
სასტუმრო ევროპის ერთ-ერთი ყველაზე ცოცხალი ქალაქის გლამურულ გამზირზე, Avenida Da Liberdade-ზე, კულტურულ-ისტორიულ ცენტრთან და ულამაზეს ტროპიკულ პარკებთან ახლოს მდებარეობს. EPIC SANA Marquês სასტუმროს თავისი იდეალური გარემოსა და მაღალი კლასის სამზარეულოთი, ანალოგი არ აქვს.
სასტუმროს დიდი სივრცე, თვალუწვდენელი აუზი და მდინარე ტეჟუზე რომანტიკული ხედი გამოარჩევს. ლუქსები და ოთახები ელეგანტურ, თანამედროვე დიზაინშია ჩაფლული და ხარისხისა და კომფორტის ატმოსფეროს ქმნის. ყველა მათგანს საკუთარი სააბაზანო და საშხაპე წერტილები აქვს. ლუქსი მისაღებ ოთახსა და სამუშაოდ განკუთვნილ ადგილს მოიცავს. უმრავლესობა ოთახებიდან კი გასაოცარი ხედები იშლება.
დილით, შეგიძლიათ უგემრიელესი საუზმე თქვენს ოთახში ან The Garden-ის რესტორანში მიირთვათ. ქალაქში შოპინგს, ლისაბონის კლუბებში გართობას ერთი შეხედვით არაფერი სჯობია, თუმცა EPIC SANA Marquês-ის რესტორნები თავიანთი განსაკუთრებული კონცეფციით თქვენი დღის საუკეთესო ნაწილი გახდება. სასტუმროს შეფ-მზარეულები უნიკალურ გამოცდილებას გვპირდებიან, რაც თქვენი სათავგადასავლო მოგზაურობის მეხსიერებაში სასიამოვნო მოგონებად დარჩება.
ჩინებული სამზარეულო ტრადიციების დაცვა ყველა პორტუგალიელისთვის წმინდაა, გამორჩეულ რესტორან Allora-ს კი იტალიური და ადგილობრივი კერძებით შედგენილი მენიუ აქვს. ამასთანავე, აქვე დაგხვდებათ კოქტეილის ბარი, ღია სამზარეულო, anti-pasti დახლი, ჯელატოს კუთხე თუ შიდა და გარე ტერასა. Allora ავთენტური იტალიური ბაღის მაგალითია. ბრწყინვალე ჭაღები, arabescato carrara მარმარილოს დახლები, ხელით მოხატული ფრესკები, ხეები: ყველაფერი ეს რესტორანს იტალიის კულტურისა და ბუნების პატარა მოდელად აქცევს.
Allora-ში დააგემოვნებთ სახლში მომზადებულ მადისაღმძვრელ პასტას, შემწვარი ხორცისა და თევზის კერძებს და ტრადიციულ იტალიურ დესერტებს. Allora-ში რომ შეივლით, აუცილებლად შეუკვეთეთ Tagliatelle al Tartufo, Gnocchi alla Sorrentina, შემწვარი ზღვის ბასი, ტირამისუ და პანა კოტა.
მე-12 სართულზე კი იაპონური რესტორანი დაგხვდებათ. KŌJI ავთენტური იაპონური სამზარეულოსა და ეგზოტიკური გემოს მოყვარულთათვის საუკეთესო არჩევანია. რესტორანს განსაკუთრებულს იაპონური ვისკისა და საკეს შესანიშნავი კოლექცია და მარნის ღვინოების დიდი არჩევანიც ხდის.
სასტუმრო დამსვენებელს და ვიზიტორებს სპეციალურად საუზმისთვის GARDENS-ის სადა კაფეს, ტკბილეულის კუთხესა და ბარსაც სთავაზობს.
თუ ქალაქში სამუშაო ვიზიტით მიდიხართ ან უბრალოდ ლისაბონის დათვალიერება გსურთ, დამღლელი დღის შემდეგ სასტუმროს გამაჯანსაღებელ სპაში განტვირთვა საუკეთესო გადაწყვეტილება იქნება. ფიტნეს ოთახი კი მთელი დღე-ღამის განმავლობაში ღიაა, მომსახურება საუნასა და აუზსაც მოიცავს. SAYANNA WELLNESS & SPA სახის კანის, სხეულისა და გონების გასაჯანსაღებლად იდეალურ გარემოს გვთავაზობს. ის ლისაბონის ერთ-ერთ საუკეთესო სპადაა აღიარებული და თავისი სტუმრებისთვის, განცალკევებული შესასვლელიც აქვს.
სასტუმრო Preferred Hotel & Resorts-ს წევრია და სტუმრებს 379 მდიდრულ, ელეგანტურ ოთახსა და ლუქს, 3 რესტორანს, ბარს, Sky Pool ლაუნჯს, ღია აუზს, გამაჯანსაღებელ სპასა და ღონისძიებებისთვის განკუთვნილ ცენტრს სთავაზობს. მეტი რაღა უნდა გვინდოდეს?! ასე, რომ თუ ეძებთ დასასვენებლად თუ სამუშაოდ იდეალურ ადგილს, უგემრიელესი საერთაშორისო სამზარეულოთი და გამაჯანსაღებელი ცენტრით, EPIC SANA Marquês-ის მისამართი აუცილებლად უნდა მოინიშნოთ.
როგორც კი ზაფხულის კაშკაშა მზე გამოასხივებს, მზისგან დამცავი სათვალე must-have აქსესუარების სიაში პირველ ადგილზე ინაცვლებს. ქართული ბრენდის Chicorée უკვე ერთი წელია მომხმარებელს განსხვავებული და ეფექტური ვიზუალის სათვალეებით ანებივრებს. გამორჩეული ფერთა გამის, კომფორტისა და სტილის შერწყმა ბრენდის პროდუქციაში მარტივად შეიმჩნევა.
ზაფხული თავისუფლების, უძილო ღამეების, აპეროლ შპრიცებისა და ხმამაღალი მუსიკის დროა. როდის, თუ არა წლის ყველაზე თავქარიან სეზონში, საკუთარ თავს გართობისა თუ დასვენების მაქსიმუმი თავისუფლება უნდა მივცეთ. რაც ასევე ეხება ჩაცმულობას, რა თუ არა სამოსი განსაზღვრავს ჩვენი ცხოვრების სტილს?! TheDiary-ს რედაქცია კი იმ მთავარ ტრენდებსა და ქართველ ბრენდებს გაგაცნობთ, სადაც მარტივად იპოვით საკუთარ თავს.
რა იქნებოდა გრავიტაციის კანონის გაუქმება რომ შეიძლებოდეს? ზაჰა ჰადიდმა ამ დილემის ამოხსნას თავისი შემოქმედება და ცხოვრება მიუძღვნა. მისი გუნდი კი უახლოეს მომავალში ნაგებობას თბილისში ააშენებს.
