2022 წლის სექტემბერში, ოლივია უაილდის ფილმის, Don’t Worry Darling-ის, პრემიერა გაიმართა. კინონაწარმი, რომელშიც მთავარ როლებს თავად რეჟისორი, ჰარი სთაილსი, ფლორენს პიუ, კრის პაინი და ჯემა ჩანი ასრულებდნენ, ყურადღების ცენტრში გამოსვლის დღიდან მოექცა, თუმცა არა იმ სასიამოვნო მიზეზთა გამო, რომელიც შეიძლება ეკრანიზაციას დავუკავშიროთ. სამწუხაროდ, Don’t Worry Darling-მა ყურადღება მისი შემოქმედებითი გუნდის გარშემო მიმდინარე დრამის გამო მოიხვეჭა და საბოლოოდ, ისეთი შეგრძნება დაგვიტოვა, რომ მასზე იმაზე ნაკლებად ვისაუბრეთ, ვიდრე საჭირო იყო, ყოველ შემთხვევაში ინტერიერის დიზაინსა და გადასაღებ მოედანს ეს ღელვა უდავოდ ეხება.
კალიფორნიის უდაბნოში, გამოგონილ ქალაქ ვიქტორიაში განვითარებული სიუჟეტის ცენტრში ჰარი სთაილსისა და ფლორენს პიუს პერსონაჟები, ჯეკი და ელისი, იმყოფებიან, რომელთა ცხოვრების განუყოფელ ნაწილს დრამატული მთები, უღრუბლო ცა, პალმის ხეები და შუა საუკუნეების თანამედროვე ინტერიერი წარმოადგენს. სწორედ, შუა საუკუნეების დიზაინის გავლენა და მისი ოსტატურო შერწყმა თანამედროვეობასთან გახლავთ Don’t Worry Darling-ის ვიზუალურ იდენტობის განმსაზღვრელი.
მაყურებელი დიდ დროს ელისის და ჯეკის სახლში ატარებს, რადგან ელისი დიასახლისია და თავად მთელს თავის დროს სახლის საქმეებს უთმობს. წყვილის საცხოვრებლის მარტივი ინტერიერი, დიდი ვიტრაჟული ფანჯრები, რომელთაგანაც სახლში მზის სხივები უხვრად იღვრება, არტ-დეკოს აბაზანა, რომელსაც შემდგომში ელისი საგულდაგულოდ ხეხავს და დიდი სამზარეულო, შუა საუკუნეების თანამედროვე სტილის მოყვარულთათვის ნამდვილი ოცნების ადგილია.
მიუხედავად იმისა, რომ Don’t Worry Darling ფსიქოლოგიური თრილერია, მისი ვიზუალური თხრობა იმდენად დეტალიზებულია, რომ ფილმის ხელახლა ნახვა მხოლოდ მის გამო ღირს. როგორც დიზაინერმა ქეით ბაირონმა განაცხადა, მან გადასაღებ მოედანზე მუშაობისას განსაკუთრებული ყურადღება დაუთმო დეტალებს, ელისის სახლის მარტივი, მხიარული ელემენტები, როგორებიცაა პატარა ქანდაკებები და კერამიკული ჩიტები, ფილმის ბნელ წიაღში მოულოდნელ სიმსუბუქეს ქმნიან, დიდი ფანჯრები, რომლებშიც ელისი გამუდმებით საკუთარ გამოსახულებას ხედავს კი Don’t Worry Darling-ს მეტ იდუმალებას სძენს.
ფილმში, კიდევ ერთი ოცნების სახლი ფიგურირებს - მცირე დროით, მაყურებელს საშუალება ეძლევა, ფილმის იდუმალი პერსონაჟების, კრის პაინის და ჯემა ჩანის, საცხოვრებელ სახლს შეავლოს თვალი, რომელიც ფილმის ნახვიდან ძალიან დიდი ხნის შემდეგაც კი ნაცნობად გვეჩვენება, სანამ არ აღმოვაჩინეთ, რომ მას სლიმ აარონსის საკულტო კადრიდან Poolside Gossip-დან ვიცნობთ, მისი შემქმნელი კი თავად რიჩარდ ნეიტრაა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
2024 წელს OpenAI და META ხელოვნური ინტელექტის საოცარ განვითარებას აანონსებენ. ახალი, გაუმჯობესებული შესაძლებლობების მქონე აპლიკაციები, ვებგვერდები თუ "ჭკვიანი სათვალეები" სადაცაა ფართო საზოგადოებისთვის ხელმისაწვდომი გახდება.
Nail Bar #1 2015 წლიდან არსებობს და პირველი იყო, რომელმაც ქართველ მომხმარებელს ფრჩხილების მოვლის სერვისისთვის ცალკე სივრცე შესთავაზა. დღეს კი უკვე სამ ლოკაციაზე, თბილისის ცენტრალურ უბნებში, ფრჩხილებთან ერთად წარბების, წამწამების მოვლასა და პროფესიონალურ მაკიაჟსაც გვთავაზობს.
