სოფია ჟირაუმ, Victoria's Secret-ის ინკლუზიურობის ახალი ისტორია დაწერა, 24 წლის მოდელი პუერტო რიკოდან გახდა პირველი მოდელი დაუნის სინდრომით, რომელმაც ბრენდის სარეკლამო კამპანიაში მიიღო მონაწილეობა. სოფიამ Love Cloud-ის კოლექციის კამპანიაში მიიღო მონაწილეობა, რომელიც მიზნად ისახავს „გაამყაროს Victoria's Secret-ის ურთიერთობა ქალებთან“.
„მინდა მთელ მსოფლიოს ვუთხრა, რომ ადამიანებს ჩემი მდგომარეობის, დაუნის სინდრომით, არ გვაქვს საზღვრები“ - განაცხადა სოფიამ.
მოდელმა და აქტივისტმა საკუთარ Instagram გვერდზე „ახდენილი ოცნების“ შესახებ პოსტი გამოაქვეყნა, Victoria's Secret-ს მადლობა გადაუხადა მიცემული შანსისთვის და აღნიშნა, რომ ეს შემთხვევა შეხსენება უნდა იყოს ყველა ადამიანისთვის, რომ ცხოვრებაში ყველაფერი შესაძლებელია.
„ჩემსავით დაუნის სინდრომის მქონე ადამიანებს შეუძლიათ დასაქმდნენ, შექმნან საკუთარი ბიზნესი და იმუშაონ, ისე როგორც მე“ - სოფია ჟიარუ.
სოფია ჟიარუმ სამოდელო კარიერა სამი წლის წინ დაიწყო, 2020 წელს ნიუ-იორკის მოდის კვირეულზე სოფიას დებიუტი შედგა. მას შემდეგ სოფია აგრძელებს როგორც სამოდელო კარიერას, აგრეთვე საკუთარი პლატფორმის გამოყენებას დაუნის სინდრომის მქონე ადამიანების წახალისების მიზნით.
„ყველას ვეტყვი უბრალოდ იოცნებონ. იოცნებეთ, რადგან ყველა ოცნება შეიძლება ახდეს“ - სოფია ჟიარუ
Love Cloud კამპანია Victoria's Secret-ის რებრენდინგის ინიციატივის ნაწილია, რომელიც ხაზს უსვამს ინკლუზიურობასა და მრავალფეროვნებას. კამპანიის სხვა ვარსკვლავებს შორის არიან ტრანს მოდელი ვალენტინა სამპაიო, აქსესუარების დიზაინერი სილვია ბაკლერი და მოდელი ჰეილი ბიბერი.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
აშშ-ში მიმდინარე არჩევნები მთელი მსოფლიოს ყურადღების ცენტრშია. ერთმანეთს მეორე ვადით არჩევაში ყოფილი და ამჟამინდელი პრეზიდენტები - დონალდ ტრამპი და ჯო ბაიდენი ეჯიბრებიან. რამდენიმე დღის წინ დემოკრატიული პარტიის ლიდერმა, ჯო ბაიდენმა საპრეზიდენტო კამპანიის ფარგლებში ღონისძიება გამართა. საღამო ნიუ იორკში, Radio City Music Hall-ში გაიმართა და ბაიდენთან ერთად მთავარი სტუმრები ბარაკ ობამა და ბილ კლინტონი იყვნენ.
ამერიკელი მომღერალი Lizzo, ინსტაგრამის მეშვეობით მოულოდნელ განაცხადს აკეთებს. ის ამბობს, რომ ტყუილებითა და ბრალდებებით დაიღალა და SHE QUITS. მუსიკის სამყარო და მისი გულშემატკივრები ცდილობენ, გაიგონ აპირებს თუ არა მომღერალი კარიერის დასრულებას, თუ ამ სიტყვების უკან სხვა გზავნილი იმალება.
