მსოფლიოში ყველაზე ცნობილი ღიმილი კიდევ ერთი ინციდენტის მსხვერპლი გახდა. ლეონარდო და ვინჩის მიერ მე-16 საუკუნეში შექმნილ ხელოვნების ნიმუშს „მონა ლიზას“ ტორტის ნაჭერი ესროლეს. შემთხვევა ლუვრში კვირას მოხდა, ქალის ფორმაში გადაცმულმა მამაკაცმა კლიმატის ცვლილება გააპროსტესტა და ამ გზით ხელოვანებს ხმის ამოღებისკენ მოუწოდა.
და ვინჩის შედევრი ამ ინციდენტის შედეგად არ დაზარალებულა, მტკივნეული გამოცდილების მიღების შემდეგ, „მონა ლიზა“ ლუვრში ტყვიაგაუმტარი შუშის მიღმაა დაცული და საფრთხე არ ემუქრება.
სოციალურ ქსელში მალევე გავრცელდა გალერეაში მყოფი ტურისტების მიერ გადაღებული ფოტოები და ვიდეოები. იქ მყოფი ადამიანები ირწმუნებოდნენ, რომ მამაკაცი ქალის ფორმაში იყო გადაცმული და ეტლით გადაადგილდებოდა, რათა „მონა ლიზასთან“ უფრო ახლოს მისვლის საშუალება ჰქონოდა როგორც შეზღუდული შესაძლებლობების მქონე პირს.
როდესაც დაცვის თანამშრომლებმა მამაკაცის გაყვანა სცადეს ლუვრიდან, მამაკაცმა მათ ფეხებთან წითელი ვარდები დაუყარა გაყვანის დროს კი შეკრებილ საზოგადოებას მიმართა: „მეტი იფიქრეთ დედამიწაზე, ჩვენ გვერდით არიან ადამიანები, რომლებიც მას ანადგურებენ. ხელოვანებო, იფიქრეთ დედამიწაზე, ეს სწორედ ამისთვის გავაკეთე, მეტი იფიქრეთ პლანეტაზე“.
პარიზის პროკურატურამ ორშაბათს განაცხადა, რომ 36 წლის მამაკაცი დააკავეს კვირას მომხდარი ინციდენტის შემდეგ და გაგზავნეს პოლიციის ფსიქიატრიულ განყოფილებაში შეფასებისთვის. გამოძიება კულტურული ნივთების დაზიანების ბრალდებით დაიწყო.
ეს პირველი შემთხვევა არ არის, როდესაც „მონა ლიზა“ ვანდალიზმის, პროტესტის გამოხატვის ფორმისა თუ უბრალოდ ბრაზის სამიზნე ხდება. ჯერ კიდევ 1956 წელს და ვინჩის ერთ-ერთ ყველაზე მისტიკურ ტილოს გოგირდმჟავა შეასხეს, შემდეგ კი ქვა ესროლეს, ამ ინციდენტის დროს მძიმედ დაზიანდა ნახატის ქვედა ნაწილი. იყო ისეთი შემთხვევა, როდესაც „მონა ლიზას“ წითელი საღებავიც კი შეასხეს.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
აშშ-ში მიმდინარე არჩევნები მთელი მსოფლიოს ყურადღების ცენტრშია. ერთმანეთს მეორე ვადით არჩევაში ყოფილი და ამჟამინდელი პრეზიდენტები - დონალდ ტრამპი და ჯო ბაიდენი ეჯიბრებიან. რამდენიმე დღის წინ დემოკრატიული პარტიის ლიდერმა, ჯო ბაიდენმა საპრეზიდენტო კამპანიის ფარგლებში ღონისძიება გამართა. საღამო ნიუ იორკში, Radio City Music Hall-ში გაიმართა და ბაიდენთან ერთად მთავარი სტუმრები ბარაკ ობამა და ბილ კლინტონი იყვნენ.
ამერიკელი მომღერალი Lizzo, ინსტაგრამის მეშვეობით მოულოდნელ განაცხადს აკეთებს. ის ამბობს, რომ ტყუილებითა და ბრალდებებით დაიღალა და SHE QUITS. მუსიკის სამყარო და მისი გულშემატკივრები ცდილობენ, გაიგონ აპირებს თუ არა მომღერალი კარიერის დასრულებას, თუ ამ სიტყვების უკან სხვა გზავნილი იმალება.
