ლეგენდარული ქართველი მოჭადრაკის, ნონა გაფრინდაშვილის სარჩელი Netflix-ის წინააღმდეგ წინ მიიწევს. კალიფორნიის ფედერალურმა მოსამართლემ ვირჯინია ა. ფილიპსმა არ დააკმაყოფილა Netflix-ის შუამდგომლობა ნონა გაფრინდაშვილის სარჩელის შეწყვეტასთან დაკავშირებით, რაც იმას ნიშნავს, რომ ბრძოლა გრძელდება!
Netflix-ის წარმომადგენლები საქმის შეწყვეტას, აშშ-ის კონსტიტუციის პირველი შესწორების საფუძველზე ითხოვდნენ, რომელიც ხელოვანებს ფართო მხატვრულ უფლებებს ანიჭებს. მოსამართლე ვირჯინია ა. ფილიპსმა ნონა გაფრინდაშვილის ცილისწამების არგუმენტი უფრო დამაჯერებლად მიიჩნია და ისიც აღნიშნა, რომ მხატვრული ნამუშევარი არ არის დაზღვეული ცილისწამების ბრალდებისგან იმ შემთხვევაში, თუ შეურაცხმყოფელი ან დამაკნინებელი პასაჟი რეალურ პიროვნებას ეხება.
შეგახსენებეთ, რომ საქმე ეხება Netflix-ის ერთ-ერთ ყველაზე პოპულარულ მინისერიალ „ლაზიერის გამბიტს“, რომელიც გამოგონილი ვუნდერკინდი მოჭადრაკე ქალის, ბეთ ჰარმონის (ანია ტეილორ-ჯოი) ცხოვრებაზე მოგვითხრობს, რომელიც ჯერ აშშ-ის, შემდეგ მსოფლიო ჭადრაკის ოლიმპიადებზე იმკვიდრებს ადგილს. ფინალურ სერიაში, სადაც ბეთი რუს მეტოქეს და გროსმაისტერს უპირისპირდება, გაჟღერებულია ნონა გაფრინდაშვილის სახელი, თუმცა დამახინჯებულად. სერიალში ლეგენდარულ ქართველ მოჭადრაკეს რუსად მოიხსენიებენ და იმასაც ამბობენ, რომ მას არასდროს უთამაშია მამაკაცებთან, რაც სრული სიცრუეა. თუ „ლაზიერის გამბიტის“ მოქმედებები 1968 წელს ვითარდება, ამ პერიოდში ნონას უკვე 50-ზე მეტ მამაკაცთან ჰქონდა ნათამაშები.
ქართველი მოჭადრაკე ამერიკული კომპანიისგან ზიანის ანაზღაურების სანაცვლოდ 5 მილიონ დოლარს მოითხოვს.
ნონა იყო ლეგენდა ჭადრაკის ისტორიაში: მსოფლიოს პირველი ყველაზე ახალგაზრდა ჩემპიონი, პირველი ხუთგზის მსოფლიო ჩემპიონი, პირველი დიდოსტატი ქალი, პირველი დიდოსტატი ქალი ვაჟთა შორის და ქალთა საჭადრაკო ოსკარის პირველი მფლობელი.
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
ყველასათვის გასაგებ ენაზე რომ განვმარტოთ, "უცხოური გავლენის გამჭვირვალობის შესახებ" კანონის მიღება ნიშნავს მონიტორინგის ამოქმედებას, რაც შეეხება ყველას, ვისაც რაიმე სახით მიუღია უცხოური დაფინანსება, მათ შორის ორგანიზაციებს, რომლებიც უცხოური კაპიტალით ფინანსდება (არასამთავრობო ორგანიზაციები, იურიდიული საკონსულტაციო ფირმები და ა.შ.).
აშშ-ში მიმდინარე არჩევნები მთელი მსოფლიოს ყურადღების ცენტრშია. ერთმანეთს მეორე ვადით არჩევაში ყოფილი და ამჟამინდელი პრეზიდენტები - დონალდ ტრამპი და ჯო ბაიდენი ეჯიბრებიან. რამდენიმე დღის წინ დემოკრატიული პარტიის ლიდერმა, ჯო ბაიდენმა საპრეზიდენტო კამპანიის ფარგლებში ღონისძიება გამართა. საღამო ნიუ იორკში, Radio City Music Hall-ში გაიმართა და ბაიდენთან ერთად მთავარი სტუმრები ბარაკ ობამა და ბილ კლინტონი იყვნენ.
