ნუთუ ისტორია მეორდება და 2021-ში ჯენიფერ ლოპესსა და ბენ აფლეკს ისევ ერთად ვიხილავთ? ბოლო რამდენიმე დღეა ყოფილი შეყვარებულების შესახებ ბჭობს. მას შემდეგ, რაც 51 წლის მომღერალმა საქმროსთან - ალექს როდრიგესთან დაშორების ამბავი ოფიციალურად დაადასტურა, ლამაზმანი წლების წინანდელმა სიყვარულმა უკვე რამდენჯერმე მოინახულა.
Page Six-ის ცნობით, ბენ 49 წლის აფლეკი ყოფილ საცოლეს უკვე სამჯერ ესტუმრა. მომღერალთან და მსახიობთან დაახლოებულ წრეში ამბობენ, რომ ყოფილები მხოლოდ მეგობრობენ, თუმცა ტაბლოიდები გაჩერებას არ აპირებენ და წყვილს გამადიდებელი შუშის ქვეშ აკვირდებიან.
29 აპრილს ბენი თეთრი ფერის კადილაკიდან გადმომავალი დააფიქსირეს. მოგვიანებით პაპარაცების ობიექტივში ჯეილო ამავე ავტომობილით მიმავალი მოხვდა. ამბობენ, რომ მანქანა მომღერალს ეკუთვნის.
მოგეხსენებათ, რომ ჯეილო თავისი ყოფილებიდან რამდენიმესთან დღემდე მეგობრობს. მათ შორისაა მომღერლის შვილების მამა - მარკ ენტონი. ბენ აფლეკთან მომღერალს 2 წლიანი ნიშნობა აკავშირებს. მსახიობმა საყვარელ ქალს ხელი 2002 წელს სთხოვა, თუმცა წყვილი 2004 წელს დაშორდა.
ლოპესის ახლო მეგობრები ამბობენ, რომ ლათინოსი მომღერალი აფლეკთან მეგობრულ ურთიერთობას წლების მანძილზე ინარჩუნებდა. წლების წინ წყვილის დაცილების მიზეზად მათი კულტურული სხვაობა სახელდებოდა. ბენ აფლეკი ერთ-ერთ ინტერვიუში გამოტყდა, რომ მასთან ყოფნისას ჯენი მისი წარმომავლობის გამო რასისტული თავდასხმების მსხვერპლი ხშირად ხდებოდა.
ურთიერთობის დასრულებიდან რამდენიმე წელიწადში კი ჯეილომ ბენთან ურთიერთობას მისი “პირველი ნამდვილი გულის ტკენა” უწოდა. ჯერ-ჯერობით განახლებულ რომანს ოფიციალური მხარე არ ადასტურებს, თუმცა არავინ დრო რას გვიმზადებს, ეს ხომ Hollywood-ია.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
ტეილორ სუიფტის ახალი რჩეული სავარაუდოდ ცნობილი ამერიკელი ათლეტი - ტრევის კელსი გახლავთ. გამოცემა People იუწყება, რომ ტეილორმა და ამერიკული ფეხბურთის ვარსკვლამა კანზასში, ეროუჰედის სტადიონი ერთად დატოვეს და ადგილზე შეკრებილ ჟურნალისტებს გასვლისას დაემშვიდობნენ კიდეც.
