#ცნობილები

დემი ლოვატოს ახალი კლიპი ნარკოტიკების გადამეტებული დოზის მიღებას და საავადმყოფოს კადრებს ასახავს

გაზიარება:

დემი ლოვატოს ახალი მუსიკალური ვიდეო მისი ცხოვრების ვიდეო ყველაზე პირადულ და ბნელ პერიოდს ეხება. 28 წლის მომღერალმა ახალი კლიპი გამოუშვა, რომელიც 2018 წელს მომხდარ მოვლენებს და ნარკოტიკული საშუალებების გადამეტებული დოზით მიღების გამო სიკვდილთან ბრძოლას ასახავს. 

მუსიკალურ კლიპში ლოვატო საავადმყოფოს პალატაში წევს და სულის შემძვრელ ტექსტს მღერის. ვიდეოში მასთან პალატაში 3 ქალი შედის, რომლებიც სავარაუდოდ დემის დედა და დები არიან. 

შეგახსენებთ, რომ ცოტა ხნის წინ მომღერალმა ახალი მუსიკალური კრებული გამოუშვა, რომელშიც სიმღერა - Dancing with the Devil შედის. სწორედ ამ სინგლზე გადაიღეს მოკლე მუსიკალური რგოლიც, რომელიც ასევე დემის შესახებ გადაღებულ დოკუმენტურ ფილმს გააფორმებს. 

დემი ლოვატო, ახალი კლიპი

ბოლო თვეების მანძილზე 28 წლის ლოვატო აქტიურად მუშაობს და ახალ მუსიკას ქმნის. შეიძლება ითქვას, რომ დემი თავიდან დაიბადა, ამის მიზეზი კი, მისივე თქმით, 2018 წელს გადამეტებული დოზის მიღება და სიკვდილისთვის თვალებში ჩახედვა გახლდათ. მომღერალმა გულის 3 შეტევა გადაიტანა და მხოლოდ იმის გამო გადარჩა, რომ ექიმებმა რეაგირება დროულად მოახდინეს. 

დემი ლოვატო, ახალი სტილი, ახალი ვარცხნილობა

განახლებული ლოვატო თაყვანისმცემლებს ყოველდღიურად აოცებს. მომღერალმა იმიჯიც რადიკალურად შეიცვალა და საკუთარი გამოცდილების შესახებ ტელე ეკრანებიდან, თუ სოციალური მედიის საშუალებით აქტიურად გვიყვება.

I'm in a good place! 

ზევით