ნუთუ ბოლო დროის ყველაზე განხილვადი ურთიერთობა დასასრულს მიუახლოვდა? დასავლური ყვითელი მედია მეგან ფოქსისა და Machine Gun Kelly-ის დაშორების შესახებ ალაპარაკდა. ამ ჭორის გაჩენის მიზეზი კი American Music Awards-ის წითელ ხალიჩაზე მუსიკოსის ქალიშვილთან ერთად გამოჩენა გახდა.
მოგეხსენებათ, რომ რომანის გახმაურების შემდეგ, მეგანი და კელი თითქმის ყველა წითელი ხალიჩის დაპყრობას ახერხებენ. არც ერთ ღონისძიებას არ ჩაუვლია მათი Look-ების განხილვის გარეშე. რამდენიმე დღის წინ კი MKG-მ მუსიკალურ დაჯილდოვებაზე 35 წლის საყვარელი ქალის ნაცვლად 13 წლის ქალიშვილი - კესი კოლსონ ბეიკერი წაიყვანა, რომელიც მას წინა ურთიერთობიდან, რომელიც მას ჯერ კიდევ 18 წლის ასაკში შეეძინა.
მამამ და ქალიშვილმა მედია საშუალებების გულები დაიპყრეს. გარდა იმისა, რომ კესი მამის მსგავსად ქარიზმატული ადამიანია, მისი მამასთან ურთიერთობაც არანაკლებ სასიამოვნო საყურებელია.
ისინი და-ძმას უფრო ჰგვანან, ვიდრე მამა-შვილს.
Machine Gun Kelly-ის და მეგან ფოქსის თაყვანისმცემლებმა სოციალურ მედიაში წუხილი მალევე გამოთქვეს. ბევრის აზრით მონასტერი აირია და წყვილი დაშორებას აპირებს.
იქიდან გამომდინარე, რომ წყვილი მედია საშუალებებთან ყოველი შესაძლებლობის თანავე ჩნდება, ლოგიკურია ვივარაუდოთ, რომ AMA-ს დაჯილდოებაზე, რომელიც მუსიკოსმა ჯილდოთი ხელდამშვენებულმა დატოვა, მეგანის არ ყოფნა განგაშის მანიშნებელია.
არადა, სულ ცოტა ხნის წინ წყარო უახლოეს მომავალში ქორწილს წინასწარმეტყველებდა. წყვილთან დაახლოებულ წრეში ამბობდნენ, რომ კელის ერთი სული აქვს, როდის მოიყვანს მეგანს ცოლად. მუსიკოსისა და მსახიობის შვილები ერთმანეთს ძალიან კარგად უგებენ. მეტიც, მეგანის ყოფილი მეუღლეც კი გულშემატკივრობს ფოქსის ახალ ურთიერთობას.
შეგახსენებთ, რომ მეგანი ყოფილ მეუღლეს - ბრაიან ოსტინ გრინს 10 წლიანი თანაცხოვრების შემდეგ 2020 წელს დაშორდა. წყვილს სამი საერთო შვილი, 9 წლის ნოა, 7 წლის ბოდი და 7 წლის ჯერნი ჰყავთ.
ტრანსფორმერების ვარსკვლავმა მომავალი მეორე ნახევარი 2020 წლის მარტში, საერთო ფილმის გადაღებებზე გაიცნო. რომანი მალევე დაიწყო. წყვილი საზოგადოებაში აქტიურად ჩნდებოდა კორტნი კარდაშიანტან და ტრევის ბარკერთან ერთად, რომელიც კელის დიდი ხნის მეგობარია.
თუ იმას გავითვალისწინებთ, რომ კორტნის სულ ცოტა ხნის წინ ხელი ყველაზე რომანტიკულად სთხოვეს, არაა გამორიცხული მეგანი კელისგან იგივე ნაბიჯის გადადგმას ელოდებოდეს. მოკლედ, Hollywood-ში ყველაფერი ხდება, ამიტომ დაველოდოთ.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
ტეილორ სუიფტის ახალი რჩეული სავარაუდოდ ცნობილი ამერიკელი ათლეტი - ტრევის კელსი გახლავთ. გამოცემა People იუწყება, რომ ტეილორმა და ამერიკული ფეხბურთის ვარსკვლამა კანზასში, ეროუჰედის სტადიონი ერთად დატოვეს და ადგილზე შეკრებილ ჟურნალისტებს გასვლისას დაემშვიდობნენ კიდეც.
