ანჯელინა ჯოლი და მუსიკოსი - The Weekend რომანტიკულ ვახშამზე დააფიქსირეს. ოსკაროსანი მსახიობისა და მომღერლის ფოტოები, რომლებიც LA-ში მდებარე ელიტარული რესტორნის დატოვებისას არის გადაღებული, The Sun-მა გაავრცელა.
46 წლის მსახიობმა, რომელიც ექს მეუღლესთან შვილების მეურვეობის თაობაზე სასამართლო დავას განაგრძობს, The Weekend-თან ერთად რესტორანში რამდენიმე საათი გაატარა. წყვილმა Giorgio Baldi-ის რესტორანი ცალ-ცალკე დატოვა, თუმცა პაპარაცებს ორი ვარსკვლავის ერთ სივრცეში მოხვედრა მხედველობიდან არ გამორჩენიათ.
ჯოლის შავი ატლასის კაბა, კრემისფერი მოსასხამი და ამავე ფერის ქუსლიანი ფეხსაცმელი ეცვა. The Weekend კი უფრო ყოველდღიური სამოსით გახლდათ წარმოდგენილი. მუსიკოსი შავ მაისურში, ჯინსის ქურთუკსა და შარვალში იყო გამოწყობილი.
ჯერ-ჯერობით ახალ ურთიერთობაზე საუბარი ნაადრევია, თუმცა 31 წლის მომღერალს, რომელიც ჯოლის პოტენციური მეორე ნახევარია, ცნობილ ქალბატონებთან რომანების დიდი გამოცდილება აქვს. აბელ ტესფაიე უახლოეს წარსულში ბელა ჰადიდს ხვდებოდა, მოდელთან დაშორების შემდეგ კი მცირეხნიანი რომანი სელენა გომესთანაც გააბა.
რაც შეეხება ჯოლის, მსახიობი ქორწინებაში სამჯერ იმყოფებოდა. ენჯი 1996 წელს ჯონი ლი მილერს გაჰყვა ცოლად, 2000 წელს ბილი ბობ ტორნტონზე იქორწინა, ხოლო მისი და ბრედის ცოლ-ქმრობამ მხოლოდ 2014 წლიდან 2019 წლამდე გასტანა. წყვილი დღემდე შვილების მეურვეობის მოსაპოვებლად იბრძვის.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
ტეილორ სუიფტის ახალი რჩეული სავარაუდოდ ცნობილი ამერიკელი ათლეტი - ტრევის კელსი გახლავთ. გამოცემა People იუწყება, რომ ტეილორმა და ამერიკული ფეხბურთის ვარსკვლამა კანზასში, ეროუჰედის სტადიონი ერთად დატოვეს და ადგილზე შეკრებილ ჟურნალისტებს გასვლისას დაემშვიდობნენ კიდეც.
