ქართველი მწერალი და დრამატურგი ლაშა ბუღაძე რუსული აგრესიის შესახებ.
ტექსტს, რომელიც სულაკაურის გამომცემლობის გვერდზე გავრცელდა, უცვლელად გთავაზობთ.
ფილოსოფოსი თეოდორ ადორნო წერდა, რომ ოსვენციმის მერე ბარბაროსობაა ლექსების წერა. ახლაც ეს სიტყვები მახსენდება, ოღონდ ამ შემთხვევაში პუტინის რუსეთთან მიმართებით. რუსულმა კულტურამ და ჰუმანისტურმა იდეამ სრული და, ვფიქრობ, საბოლოო კრახი განიცადა უკრაინაზე თავდასხმის პირობებში. არც ადრე ჰქონდა დიდი გავლენა, მაგრამ ახლა კიდევ უფრო მეტად გამოჩნდა, რომ საერთოდ ჩალის ფასი ჰქონია ჩეხოვის, ტოლსტოის, ტურგენევის, სოლოვიოვის თუ სხვა დიდ რუსთა იდეებს. კულტურამ ვერანაირი გავლენა ვერ მოახდინა ნაციაზე, რომელიც პუტინს და პუტინებს ირჩევს მსოფლიოს მოსასპობად. როგორც ვერაფრით გააუქმეს გოეთეს, კანტისა თუ ბეთჰოვენის იდეებმა გერმანული ნაციზმის დანაშაულები. ამჯერად კი რუსულ ნაციზმს გამოაქვს განაჩენი არა მხოლოდ თავისი კულტურისთვის, არამედ რუსი ერისთვის, რომელიც, ცნობიერად თუ გაუცნობიერებლად, მკვლელ პუტინზეა პასუხისმგებელი. რუსეთი არ არის ტოლსტოის ქვეყანა, და არც არასდროს ყოფილა – რუსული კულტურა ყოველთვის იდეოლოგიური სატყუარა იყო ამ ქვეყნის ტერორისტი მმართველებისთვის, ხშირად კი იდეოლოგიური ექსპანსიის ინსტრუმენტიც...
რუსეთი – უკულტურო მკვლელია.
რუსეთი მკვლელი პუტინის ქვეყანაა და ეს რუსების ნაციონალური პასუხისმგებლობაა. გერმანელებმა გაიაზრეს თავიანთი ისტორიული დანაშაული და ახალი ქვეყანა შექმნეს, რუსებს კი არც სტალინის დანაშაულები გაუაზრებიათ და არც საბჭოთა კავშირის შემზარავი წარსული, უმეტესობა კი, როგორც ჩანს, ვერც ახლა ხვდება, რამხელა უბედურების თანადამნაშავედ აქცია ისინი პუტინმა. არავის სჭირდება კულტურა, რომელიც მკვლელსა და ბოროტმოქმედს კულტურული იერსახის ნიღბის ტარებაში შეეშველება. რუსეთი – უკულტურო მკვლელია. რუსი ერის წინაშე კი არჩევანი დგას – მას ან პუტინის და სტალინის სახე ექნება, ან... როგორმე შეძლებს და, მართალია, მტკივნეული გამოღვიძების ფასად, მაგრამ ერთხელ და სამუდამოდ მოიცილებს ამ სისხლიან და სატანურ ნიღბებს.
სტეისი ბენდეტი ამ ეპოქის ერთ-ერთი უდიდესი ბრენდის დამფუძნებელია. Alice + Olivia-ს კრეატიული დირექტორი და მოდის დიზაინერი, თავის ნამუშევრებში თანამედროვე და კლასიკური მოდის იდეალურ ნაზავს გვთავაზობს. თუმცა არანაკლებ საინტერესოა მისი ნიუ-იორკის სახლი, რომელში მოხვედრაც თავგადასვლებით აღსავსე მოგზაურობას ჰგავს.
კრიპტოვალუტის სამყარო ძალიან რთული და ამოუცნობი ჩანს. მიუხედავად იმისა, რომ ინფორმაციის მისაღებად უამრავი წყარო არსებობს, არ არის მარტივი გადავწყვიტოთ, რომელი მათგანია ყველაზე უსაფრთხო. ჩვენ შემოგთავაზებთ 2024 წლის საუკეთესო ვებგვერდებს, რათა თქვენი ახალი საქმიანობის შესახებ მაქსიმალურად სანდო ფლატფორმები გამოიყენოთ.
3 აპრილს, პარლამენტის სხდომაზე გენდერული კვოტირება გააუქმეს. ოპოზიციური პარტია, "გირჩის" ინიციატივას 82 მომხრე და 15 წინააღმდეგი ჰყავდა. მეათე მოწვევის პარლამენტმა, რომელიც 136 კაცისა და 38 ქალისგან შედგება, გადაწყვიტა, რომ კვოტირება ქვეყნის დღის წესრიგში აღარ დგას და გენდერული ბალანსიც მიღწეულია. რამდენად შეესაბამება ეს რეალობას, სადავო საკითხია.
