8 ივნისს, Museum Hotel-ში მარკეტინგული სააგენტოს Marekting Hub ოფიციალური პრეზენტაცია და მედია პლატფორმა The Diary-ს წვეულება გაიმართა. საღამომ საინტერესო პრეზენტაციების, ცოცხალი მუსიკის, ბევრი სიურპრიზისა და საუკეთესო სტუმრების ფონზე ჩაიარა.
The Diary-ს დამფუძნებელთა ოთხეული საზაფხულო წვეულებისთვის გაერთიანდა და ამჯერად შეკრებილ საზოგადოებას მარკეტინგული კომპანია Marketing Hub გააცნო, რომლის შვილობილი კომპანიაც www.thediary.ge გახლავთ.
Marketing Hub-ის შემადგენელი ნაწილია ვებ პლატფორმა TheDiary-იც, ამიტომ ხშირად ჩვენი თანამშრომლობა ბრენდებთან კომპლექსური და მეტად საინტერესოა, - ნანკა კიკალია.
მარკეტინგ ჰაბის პარტნიორებს შორის სრულიად განსხვავებული მიმართულების კომპანიები, მცირე და დიდი ბიზნესები ხვდება. ცოტა ხნის წინ კი, პლატფორმის პარტნიორების სიას საერთაშორისო გამოცემა - Rugby World დაემატა, რომელიც უკვე საქართველოშიც გამოიცემა.
რაც შეეხება The Diary-ს, კულტურა და სპორტი ის ორი მიმართულებაა, რომლებსაც ჩვენი პლატფორმა აქტიურად აშუქებს. ვებგვერდი უკვე გახდა ისეთი ცნობილი ღონისძიებების პარტნიორი, როგორებიცაა: Mercedes Benz Fashion Week Tbilisi, Tbilisi Open Air და სხვა.
ჩვენს საზაფხულო წვეულებაზე, სწორედ საერთაშორისო ბრიტანული გამოცემა Rugby World გაიცნო საზოგადოებამ, აღსანიშნავია ის ფაქტიც, რომ საღამოზე მოწვეულ სტუმრებს შორის, რაგბის ქალთა ეროვნული ნაკრების მორაგბეებიც იყვნენ.
Pre-Summer Party-ს ოფიციალური ნაწილის შემდეგ, Museum Hotel-ში შეკრებილი საზოგადოების განწყობაზე, წვეულების ოფიციალურმა სპონსორმა, Aperol Spritz Georgia-მ უგემრიელესი კოქტეილებით იზრუნა, რომლებიც მთელი საღამოს მანძილზე საუკეთესო განწყობისა და სასიამოვნო დიალოგების მთავარი მეგზური გახლდათ.
ჩვენი წინა-საზაფხულო წვეულების კიდევ ერთმა სპონსორმა ICI PARIS • ისი-პარი-მ კი ჩვენს ძვირფასს სტუმრებს სიურპრიზი მოუმზადა და თავბრუდამხვევი სუნამოები საჩუქრად გადასცა. არომატები Carolina Herrera Very Good Girl Glam და Bad Boy Cobalt განკუთვნილი იყო როგორც ქალი, აგრეთვე მამაკაცი სტუმრებისთვის.
საღამოს კიდევ უფრო არაოფიციალურ ნაწილზე რომ გადავინაცვლოთ, აუცილებლად უნდა აღვნიშნოთ Pre-Summer Party-ს მუსიკალური ნაწილი, რომელიც ქართველმა რეპერმა Young Mic-მა ახალი სიმღერის Champions პრეზენტაციით გახსნა. სიმღერა ქართველმა არტისტმა რაგბის ეროვნულ ნაკრებს მიუძღვნა.
უნიჭიერესმა დიჯეიმ Anna Sué-მ კი ღამის დარჩენილი ნაწილი საკუთარი გადამდები მუხტით გაგვილამაზა.
The Diary განსაკუთრებულ მადლობას უხდის ჩვენს სტუმრებსა და პარტნიორებს, მათ შორის მეღვინეობა ხარებას და ჟუჟუნა • Jujuna და მომავალში კიდევ ბევრ საინტერესო საღამოს ჰპირდება.
სტეისი ბენდეტი ამ ეპოქის ერთ-ერთი უდიდესი ბრენდის დამფუძნებელია. Alice + Olivia-ს კრეატიული დირექტორი და მოდის დიზაინერი, თავის ნამუშევრებში თანამედროვე და კლასიკური მოდის იდეალურ ნაზავს გვთავაზობს. თუმცა არანაკლებ საინტერესოა მისი ნიუ-იორკის სახლი, რომელში მოხვედრაც თავგადასვლებით აღსავსე მოგზაურობას ჰგავს.
კრიპტოვალუტის სამყარო ძალიან რთული და ამოუცნობი ჩანს. მიუხედავად იმისა, რომ ინფორმაციის მისაღებად უამრავი წყარო არსებობს, არ არის მარტივი გადავწყვიტოთ, რომელი მათგანია ყველაზე უსაფრთხო. ჩვენ შემოგთავაზებთ 2024 წლის საუკეთესო ვებგვერდებს, რათა თქვენი ახალი საქმიანობის შესახებ მაქსიმალურად სანდო ფლატფორმები გამოიყენოთ.
3 აპრილს, პარლამენტის სხდომაზე გენდერული კვოტირება გააუქმეს. ოპოზიციური პარტია, "გირჩის" ინიციატივას 82 მომხრე და 15 წინააღმდეგი ჰყავდა. მეათე მოწვევის პარლამენტმა, რომელიც 136 კაცისა და 38 ქალისგან შედგება, გადაწყვიტა, რომ კვოტირება ქვეყნის დღის წესრიგში აღარ დგას და გენდერული ბალანსიც მიღწეულია. რამდენად შეესაბამება ეს რეალობას, სადავო საკითხია.
