დედოფალ ელისაბედ II-ის გარდაცვალებისა და მისი ვაჟის მეფედ გახდომის შემდეგ, The Crown-ის მე-5 სეზონის მოახლოებას არაერთგვაროვანი რეაქციები მოჰყვა, ბევრისთვის შეშფოთების საგნად ამ მძიმე პერიოდში, სამეფო ოჯახის დამახინჯებული წარმოჩენა იქცა, თუმცა The Crown-ის ერთგულმა გულშემატკივრებმა კარგად იციან, რას შეიძლება მოელონდენ საყვარელი შოუსგან, რომელსაც იმედები ამ დრომდე არასდროს გაუცრუებია მათთვის.
The Crown-ის ახალი, რიგით მე-5 სეზონს მსოფლიო Netflix-ზე 9 ნოემბერს იხილავს, როგორც მოგეხსენებათ, ეს სეზონი დიდი ბრიტანეთის სამეფო ოჯახის ყველაზე ტრაგიკული ათწლეულის შესახებ გვიამბობს, რომელიც ჭორებით, ღალატით, განქორწინებით, სკანდალებითა და სიკვდილით იყო სავსე.
დიდი ბრიტანეთის სამეფო ოჯახის ცხოვრების მნიშვნელოვანი მომენტების კრებულის და საოცრად ჩამთრევი სერიალის, The Crown-ის შემქმნელებს, სამსახიობო შემადგენლობის იდეალურად დაკომპლექტების ნამდვილი ნიჭი აქვთ. ახლა, როდესაც მე-5 სეზონში, მაყურებელი ახალ სამსახიობო გუნდთან შესახვედრად ემზადება, The Crown-ის სოციალური მედიის ოფიციალურ ანგარიშებზე უახლესი სეზონის კადრები გამოჩნდა.
მე-5 სეზონში მონარქიის წინაშე მდგარი მრავალ გამოწვევას შორის არის ბრძოლა დარჩეს აქტუალური სამყაროში, სადაც სამეფო ეტიკეტი და კონვენცია სულ უფრო და უფრო დაუცველია.
განსაკუთრებული აღფრთოვანება გარდაცვლილი უელსის პრინცესა - დიანას როლის შემსრულებლის, ელიზაბეტ დებიკის, ფოტოებმა დაიმსახურეს, რომელმაც როლი ემა კორინისგან გადაიბარა. ფოტოებზე ელიზაბეტი გაჭრილი ვაშლივით ჰგავს დიანას, არა მხოლოდ ვარცხნილობითა და პრინცესას დახვეწილი გარდერობის ზუსტი ასლებით, არამედ ჟესტიკულაციით, მანერებითა და გამოხედვით, რაც კიდევ ერთხელ მიგვანიშნებს - წინ დიდი სანახაობა გველოდება.\
ფოტოებზე აგრეთვე ვხედავთ მეფე ჩარლზ III-ის (იმ დროისთვის უელსის პრინცის) როლის შემსრულებელს - დომინიკ უესტს და ახალგაზრდა პრინცებს: უილიამსა და ჰარის. შოუს ერთ-ერთი ეპიზოდი უელსის ოჯახის საზაფხულო არდადეგების შესახებ გვიამბობს.
გარდაცვლილი დედოფლის, ელისაბედ II-ის როლში სერიალის ახალ სეზონში იმელდა სტაუნტონს ვიხილავთ.
სერიალის სამსახიობო გუნდს აგრეთვე შეუერთდნენ ჯონათან პრაისი პრინც ფილიპის როლში, ლესლი მენვილი პრინცესა მარგარეტის როლში, კლაუდია ჰარისონი პრინცესა ანას როლში და ოლივია უილიამსი კამილა პარკერ ბოულზის როლში.
შეგახსენებთ, რომ Netflix-ის ერთ-ერთი ყველაზე პოპულარული შოუ დასასრულს მიუახლოვდა, The Crown-ი მე-6 სეზონით დასრულდება: „როდესაც მე-5 სეზონის სცენარზე დავიწყეთ მუშაობა, ნათელი გახდა, რომ ისტორიის სიმდიდრისა და კომპლექსურობის გათვალისწინებით, თავდაპირველ გეგმას უნდა მივყოლოდით და შოუ 6 სეზონით დაგვესრულებინა”.
რომანტიკული კომედიებით დაწყებული (რაც არ უნდა იყოს, თებერვალი ხომ სიყვარულის თვეა), ახალი სეზონებითა და მნიშვნელოვანი პრემიერებით დამთავრებული, The Diary-მ თქვენთვის რჩეული სია შეადგინა, რომლებიც ზამთრის ცივი დღეების გადატანაში დაგვეხმარებიან.
კინო კრიტიკოსებსა და box office-ის წარმატების შემდეგ, რეჟისორების დანიელ კვანისა და დანიელ შაინერტის სამეცნიერო ფანტასტიკა „ყველაფერი ყველგან ერთდროულად 2023 წლის ოსკარების ნომინაციების ლიდერად გვევლინება. ჯამში 11 ნომინაციით, ამერიკული აბსურდული დრამა-კომედია ისეთ კატეგორიებში დასახელდა როგორებიცაა: წლის საუკეთესო მხატვრული ფილმი, მთავარი როლის შემსრულებელი, მეორეხარისხოვანი როლის შემსრულებელი და წლის საუკეთესო კოსტიუმების დიზაინი.
ფოტოგრაფ ევა არნოლდს წარმოდგენაც არ ჰქონდა, რომ 1961 წელს, The Misfits-ის გადასაღებ მოედანზე, ჰოლივუდელი ლამაზმანის მერილინ მონროს უკანასკნელ გადაღებებს ფირზე აღბეჭდავდა, ფილმში, რომელშიც მსახიობის შესრულება გედების სიმღერასავით ჩაგვესმის ყურებში და რომლის გამოსვლიდან სულ რაღაც 1 წელიწადში, მერილინი ზედოზირებით საკუთარ სახლში გარდაცვლილი იპოვეს.
