ქართული მოდის ინდუსტრიაში ახალი ბრენდი სახელად RECKLESS 2020 წელს გამოჩნდა და ახალი სიტყვის თქმა დაიწყო ამ სამყაროში, ახალგაზრდული სულისკვეთებით, კრეატიული და ინდივიდუალური მიდგომით ამ საოცრად ავთენტურმა ბრენდმა თინეიჯერების და არამხოლოდ თინეიჯერების გულები მალევე დაიპყრო. სულ რამდენიმე წუთის წინ RECKLESS-მა მერსედეს-ბენც მოდის კვირეულზე ციფრული კოლექცია წარადგინა და არ ვიცი რა შეიძლება ვუწოდო მას თუ არა ახალი თაობის მანიფესტი.
Reckless შეიქმნა ერთი მკაფიო მიზნისთვის, შეექმნა ტანსაცმელი კრეატიული და გახსნილი გონების მქონე ახალგაზრდებისთვის, რომლებიც სოციუმში საკუთარ ადგილს და მიკუთვნებულობას ეძებენ და ამ მიზანს ყოველი გამოჩენისას ამართლებენ.
Reckless-ის თინეიჯერი თავისუფალია, ის ილტვის იდენტობის მოსაპოვებლად, საკუთარი გრძნობების და ემოციების გადმოსაცემად და ეს ყოველივე 2021/22 წლის შემოდგომა/ზამთრის კოლექციაში ნათლად აისახება
“გაქცევა სკოლიდან” გამოხატული მიხაკი, რომელიც Reckless-ის პირველი კოლექციიდან ბრენდის სახედ იქცა ციფრული ფორმატის მთავარ ფონს წარმოადგენდა, უშუალოდ შემოდგომა/ზამთრის კოლექციის წარდგენა კი დიზაინერებმა Reckless-ის სამიზნე სეგმენტს - თინეიჯერებს მიანდეს და შედეგმაც არ დააყოვნა.
თავქარიანი, სევდიანი, მაგრამ თავდაჯერებული Reckless-ის უკან თავისუფალი უნივერსიტეტის ვიზუალური ხელოვნების სკოლის სტუდენტები: მასუ მწარიაშვილი, ანკა ქოიავა და ლიზა ყაჯრიშვილი დგანან, რომლებიც ნიკა ჯორჯაძის დატოვებულმა მემკვიდრეობამ გააერთიანა, რომელსაც წინ ძალიან დიდი მომავალი ელის.
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
2000იანი წლების, ყველასთვის საყვარელი კინოს პერსონაჟები ახალი ამბებით გვიბრუნდებიან. ბრიჯიტ ჯონსის დღიურის მესამე ფილმი ოფიციალურად დაანონსდა, ხოლო მაყურებელისთვის Legally Blonde-ის სამყარო სერიალის სახით გაცოცხლდება.
