ამერიკის კინოაკადემიის პრიზების 2023 წლის ნომინაციაზე, საქართველოს სახელით წარსადგენი სრულმეტრაჟიანი ფილმის შესარჩევ კონკურსში დათა ფირცხალავას „დიდმა შესვენებამ“ გაიმარჯვა.
„დიდი შესვენება" ქართველი სცენარისტისა და რეჟისორის, დათა ფირცხალავას სადებიუტო სრულმეტრაჟიანი მხატვრული ფილმია, რომლის მსოფლიო პრემიერაც ტორონტოს საერთაშორისო კინოფესტივალზე შედგა ფილმის პირველი საჯარო ჩვენება 9 სექტემბერს, Scotiabank Theatre Cinema-ში გაემართა და მას საერთაშორისო პუბლიკასთან ერთად კანადაში მცხოვრები ქართველი აუდიტორიაც დაესწრო. ფილმი წარმოებულია საპროდიუსერო კომპანია მილიმეტრ ფილმის მიერ. წარმოება მხარდაჭერილია საქართველოს კინემატოგრაფიის ეროვნული ცენტრის მიერ.
„დიდი შესვენება“ კლასელების ურთიერთობასა და მეგობრობაზე მოგვითხრობს. რეჟისორის მიზანია, აჩვენოს, თუ როგორი მნიშვნელოვანია ადამიანური ურთიერთობების შენარჩუნება და როგორ სძლევს მეგობრობა და წარსულში გატარებული წლები ყველანაირ ნეგატიურ ფაქტორს.
„ოსკარზე" საქართველოს სახელით წარსადგენ კანდიდატ ფილმთა კონკურსში სულ 6 ფილმი მონაწილეობდა:
1. „ატონალური გაბრწყინება“ - რეჟისორი ალექსანდრე ქორიძე;
2. „ბოსტანი კონფლიქტის ზონაში“ - რეჟისორი ბესო სოლომანაშვილი;
3. „დიდი შესვენება“ - რეჟისორი დათა ფირცხალავა (გამარჯვებული);
4. „მოთვინიერება“ - რეჟისორი სალომე ჯაში;
5. „ოთარის სიკვდილი“ - რეჟისორი იოსებ ბლიაძე;
6. „ტყვია“ - რეჟისორი ხათუნა ვაშაძე.
საქართველოს კანდიდატი ფილმი 12-წევრიანმა სპეციალური კომისიამ ფარული კენჭისყრის საფუძველზე შეარჩია. დათა ფირცხალავას ფილმმა 12-დან 8 ხმა მიიღო.
ჰენრიკ ვიბსკოვის შემოქმედება სცდება მოდის საზღვრებს. იგი დიზაინერი, მხატვარი, კურატორი და მუსიკოსია. მისი ნახატები ისეთ ცნობილ მუზეუმებსა და გალერეებშია გამოფენილი, როგორიცაა ნიუ იორკის MOMA, პარიზის Palais de Tokyo, ლონდონის ICA, კანაძავას The 21st Century Museum of Contemporary art.
2000იანი წლების, ყველასთვის საყვარელი კინოს პერსონაჟები ახალი ამბებით გვიბრუნდებიან. ბრიჯიტ ჯონსის დღიურის მესამე ფილმი ოფიციალურად დაანონსდა, ხოლო მაყურებელისთვის Legally Blonde-ის სამყარო სერიალის სახით გაცოცხლდება.
ნიუ-იორკში, პარიზში, ბერლინსა თუ თბილისში სიარულისას ჯენ Z-ის ცნობა მარტივი ამოცანაა. ტექნოლოგიურმა განვითარებამ, გლობალიზაციამ, თავისუფლებამ ახალი თაობის დამახასიათებელი სტილი და მოდა შექმნა.
