დარენ სტარის ემიზე ნომინირებული რომანტიკული კომედია, Emily in Paris Netflix-ზე ორი ახალი სეზონით გაგრძელდება. სტრიმინგ პლატფორმისთვის სერიალი იმდენად პოპულარული აღმოჩნდა, რომ Netflix-მა Emily in Paris-ს ერთდროულად მე-3 და მე-4 სეზონები დაუმტკიცა.
სიახლე მოულოდნელობა ალბათ არავისთვის ყოფილა. სერიალის მსუბუქი იუმორი, საოცნებო ცხოვრება, მოდური ჰაილაითები და ინტრიგები მილიონობით მაყურებლისთვის საინტერესო აღმოჩნდა. მე-2 სეზონის პრემიერა გასული წლის მიწურულს, 22 დეკემბერს შედგა. ემილი კუპერის ისტორიამ მალევე მოახერხა Global Netflix Top 10-ში მოხვედრა და სტრიმინგ პლატფორმის 94 ქვეყანაში ერთ-ერთ ყველაზე ყურებად სერიალად იქცა.
Emily in Paris-ის შემოქმედებითი გუნდი გადასაღებ მოედანზე უკვე შეიკრიბა, ახლა ყველაზე მნიშვნელოვან შეკითხვებზე პასუხის გაცემის დრო დადგა.
რა ვიცით მე-3 და მე-4 სეზონების შესახებ?
ახლა ემილის მნიშვნელოვანი გადაწყვეტილება აქვს მისაღები, დაბრუნდეს ლოს-ანჯელესში თუ სილვის ახალ მარკეტინგულ კომპანიას შეუერთდეს და პარიზში დარჩეს - სწორედ ამ დილემის წინაშე დგას ემილი მე-2 სეზონის დასასრულს და მაყურებელს ნამდვილ ინტრიგაში ტოვებს.
Netflix-ის ერთ-ერთი ყველაზე პოპულარული სერიალის ორი დამტკიცებული სეზონის შესახებ სიახლე რამდენიმე თვის წინ ლილი კოლინსმა პირადად გაგვიზიარა:
„დილით ადრე გავიღვიძე, რათა თქვენთვის ეს გასაოცარი სიახლე მეცნობებინა, @emilyinparis მე-3 და მე-4 სეზონებით დაგვიბრუნდება“.
ვის ვიხილავთ ახალ სეზონებში?
დარწმუნებულები ვართ, რომ Emily in Paris-ის მთავარი გმირი და სერიალის პროდიუსერი ლილი კოლინსი, უდავოდ დაგვიბრუნება ახალ სეზონებში, გარდა ამისა ჩვენ ვიხილავთ სერიალის ნამვდვილ ფავორიტებსაც, მათ შორის: გაბრიელს, მინდის, სილვის, კამილს, სამუელსა თუ ლუკს.
ვიხილავთ თუ არა ალფის პერსონაჟს Emily in Paris-ის მესამე სეზონში, ეს მხოლოდ მისი და ემილის სასიყვარულო ურთიერთობის განვითარებაზეა დამოკიდებული. მეორე სეზონში ალფიმ აღიარა, რომ მისი სამუშაო პარიზში დასრულდა და ის მხოლოდ კუპერის გამო რჩებოდა საფრანგეთში, წყვილმა სამომავლო დისტანციური ურთიერთობაც განიხილა, თუმცა მას შემდეგ რაც ემილი გაბრიელს სიყვარულში გამოუტყდა, ნუთუ კიდევ აქვს ამ წყვილს მომავალი? ამას მხოლოდ ახალი სერიების გამოსვლისას შევიტყობთ.
პრემიერის თარიღი
და მაინც, როდის ვიხილავთ, ერთ-ერთი ყველაზე პოპულარული რომანტიკული კომედიის ახალს სეზონს? მიუხეადავად იმისა, რომ ჯერ Netflix-ს პრემიერის თარიღი არ გაუმხელია მაყურებლისთვის, სავარაუდოა, რომ სერიალის მესამე სეზონს 2022 წლის დეკემბრის თვეში ვიხილავთ სტრიმინგ სერვისზე.
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
2000იანი წლების, ყველასთვის საყვარელი კინოს პერსონაჟები ახალი ამბებით გვიბრუნდებიან. ბრიჯიტ ჯონსის დღიურის მესამე ფილმი ოფიციალურად დაანონსდა, ხოლო მაყურებელისთვის Legally Blonde-ის სამყარო სერიალის სახით გაცოცხლდება.
