ჩვენი, არა უფრო სწორი იქნება თუ ვიტყვით ჩვენი მშობლების ახალგაზრდობის წლების საკულტო შვედური პოპ-ჯგუფი Abba 40-წლიანი პაუზის შემდეგ ახალი ალბომით და ვირტუალური კონცერტით ბრუნდება და პირადად ჩვენ არაფერი გვახსენდება ამაზე შთამბეჭდავი დაბრუნება მუსიკალურ ინდუსტრიაში.
Abba Voyage მუსიკალური კოლექტივის ახალი ალბომი მათი გულშემატკივრების წინაშე ნოემბრის თვეში წარსდგება, რევოლუციური ვირტუალური კონცერტები კი Abba-ს უკვდავ სიმღერებს, Mamma Mia-ს და Waterloo-ს გააჟღერებენ.
თავდაპირველად მხოლოდ 2 სიმღერა დავწერეთ, შემდეგ დავფიქრდით და გადავწყვიტეთ, რომ უფრო მეტი გვსურდა - განაცხადა ბენი ანდერსონმა
საბოლოოდ, პოპ-ჯგუფმა 10 ახალი სინგლი ჩაწერა და Abba Voyage-ში მოუყარა თავი, მათგან ორი სიმღერის I Still Have Faith In You და Don't Shut Me Down-ის პრემიერა უკვე შედგა და 40 წლის შემდეგ ჯგუფის პირველი ნამუშევრის ხილვა ჩვენთვის შესაძლებელია.
"ძნელია გააცნობიერო თუ რამდენად წარმოუდგენელი რამე შევძელით. ვერასოდეს წარმოგვედგინა, რომ 40 წლის შემდეგ ალბომის გამოშვებას შევძლებდით და კვლავ საუკეთესო მეგობრებად დავრჩებოდით. ვის გამოუცდია ეს? - არც არავის".
პოპ მუსიკის ისტორიაში ერთ-ერთი ყველაზე გაყიდვადი ჯგუფი (აგნეტა ფელტსკუგი, ბენი ანდერსონი, ბიორნ ულვეუსი და ანი-ფრიდ ლიუნგსტადი) 1972 წელს, სტოკჰოლმში ჩამოყალიბდა, მთელი ათწლეულის განმავლობაში, 1972-82 წლებში ისინი ჩარტების სათავეების უპირობო ლიდერები გახლდნენ, თუმცა 1983 წლის დასაწყისში დაშლის შემდეგ ანდერსონი და ულვეუსი განაგრძობდნენ სცენისათვის მუსიკის შექმნას, ხოლო ლიუნგსტადი და ფელტსკუგი სოლო კარიერებით დაკავდნენ, რომლებსაც შერეული წარმატება ხვდა წილად.
ბრუნო მარსისა და Imagine Dragons-ის კონცერტის შემდეგ წელსაც გვეძლევა შანსი ჩვენს საყვარელ ჯგუფებს “ლაივში” ქვეყნიდან გაუსვლელად მოვუსმინოთ. Black Sea Arena გასართობი ინდუსტრიის განვითარების მიზნით კვლავ აგრძელებს Starring Georgia-ს კამპანიას და შეკვეთილში ამჯერად Scorpions-ის, Jungle-ისა და OneRepublic-ის კონცერტებს გამართავს.
ქართველების გამარჯვებების სერია გრძელდება და ამჯერად ახალგაზრდა მუსიკოსის, გიორგი გიგაშვილის მორიგ წარმატებას აღვნიშნავთ. 24 წლის პიანისტი Terence Judd-Hallé-ის პრემიის მფლობელი გახდა. ჯილდო 22 წლის ასაკში ტრაგიკულად გარდაცვლილი პიანისტის, ტერენს ჯადის სახელს ატარებს.
გამოფენა "ხატები და ნახატები" ქართველი ხელოვანების მე-20 საუკუნეში და ახლახან შექმნილ ნამუშევრებს წარადგენს. "ვიზუალური ხატი - ის პროგრამაა, რომელსაც ახორციელებს მხატვარი" - თუ გალერეას ესტუმრებით, დარწმუნდებით, რომ ეს პროგრამა ქართველი მხატვრებისთვის კარგად ცნობილია და მათ იდეალურად გამოსდით იდეების, ემოციებისა თუ გრძნობების (ნა)ხატად ქცევა.