ნეკა დოროყაშვილს ბევრი იცნობს, როგორც მოდელს, როგორც საქართველოს ნომერ პირველი ჩოგბურთელის, ნიკოლოზ ბასილაშვილის ყოფილ მეუღლეს, თუმცა დღეს ჩვენ ნეკას, როგორც ახალგაზრდა ანტერპრენერ გოგოს ისე წარმოგიდგენთ. მან არც ისე დიდი ხნის წინ საკუთარი ტანსაცმლის ბრენდი NEKA დაარსა, რომელიც მომხმარებელს კომფორტულ და ამავდროულად მოდურ სამოსს სთავაზობს.
ნეკა როგორ მოგივიდათ იდეა?
თავდაპირველად, ეს იყო უბრალოდ სურვილი თავად შემეძინა კომფორტული და ხარისხიანი სამოსი, რომელიც მე და ჩემს შვილს ზამთრის ცივ დღეებში გამოგვადგებოდა და თან საახალწლო განწყობასაც შეგვიქმნიდა. მიუხედავად ბევრი ძიებისა, ასეთი სამოსი ქართულ ბაზარზე ვერ ვიპოვე და გადავწყვიტე თავად შემექმნა.
როგორ უთავსებსთ პირად ცხოვრებასა და საქმიანობას?
ჩემთვის ძალიან მნიშვნელოვანია ჩემს შვილთან გატარებული ყოველი წუთი. მაქსიმალურად ვცდილობ რაც შეიძლება ბევრი დრო გავატარო მასთან ერთად. როგორც ლუკასი იტყვის ხოლმე, ჩვენ პირველ რიგში კარგი მეგობრები ვართ. ყველგან ერთად დავდივართ და ის აქტიურადაა ჩართული ჩემს ცხოვრებაში. თუმცა, ისევე როგორც ნებისმიერი ქალისთვის, ჩემთვისაც მნიშვნელოვანია გარკვეული დრო მხოლოდ საკუთარ თავს დავუთმო. ამ დროს, მთავარია სწორი ბალანსი დავიცვათ და დრო სწორად გადავანაწილოთ. როდესაც შვილი გყავს, რთულია საკუთარი ბიზნესის დაწყება, რადგან პირველ რიგში ხარ დედა, შემდეგ კი საქმიანი ადამიანი. დედის გონება და გულის მნიშვნელოვანი ნაწილი ყოველთვის ბავშვთანაა. არაფრად არ გიღირს წარმატება, თუ შენს შვილს ყურადღებას მოაკლებ. ამიტომ დროის მართვა და მისი სწორი გადანაწილება ყველაზე მნიშვენლოვანია.
რა გეგმები გაქვთ, როგორ აპირებთ ბრენდის განვითარებას?
გუნდთან ერთად ყოველდღიურად ვმუშაობ ბრენდის განვითარების სტრატეგიაზე. ჩვენი მთავარი ამოცანაა NEKA-მ, როგორც გლობალურმა მოთამაშემ, საერთაშორისო ბაზრებზე საკუთარი ადგილი დაიმკვიდროს. მთელი ჩვენი სტრატეგია ორიენტირებულია ექსპორტზე ამერიკაში, ევროპასა და აზიაში.
მიზნებისკენ სწრაფვას ძალიან ვნებს შინაგანი დისბალანსი.
რას ურჩევთ გოგოს?
პირველ რიგში ვურჩევდი, რომ ჰქონდეს საკუთარი თავის რწმენა. სიძნელეების გადალახვის არ უნდა შეეშინდეს. ცხოვრება ყოველთვის პოზიტივით და ლამაზი მომენტებით სავსე არ არის. როდესაც სხვის წარმატებას შორიდან ადევნებ თვალს, ეს ყველაფერი მარტივი გგონია, სინამდვილეში კი არავინ არ იცის რამდენი სიძნელეების გადალახვა მოუწია ამ ადამიანს.
თუნდაც ჩემს შემთხვევაში, გარედან სიტუაციას ზედაპირულად აფასებენ და რეალობისგან ძალიან აცდენილ სურათს ხატავენ. ზოგადად ახალგაზრდა ადამიანისათვის რთულია დაინახო მომავალი მაშინ როცა სიძნელეებისა და პრობლემების გარდა არაფერი ჩანს, მაგრამ უნდა გვქონდეს რწმენა და სწორად განსაზღვრული მიზანი. თუ სწორად დაისახავთ მიზანს და ნაბიჯ-ნაბიჯ გაყვებით მას, ის აუცილებლად მიგიყვანთ თქვენს სასურველ პოზიციამდე.
ნინეა პირველი ქართული ბრენდია, რომელიც სახლში ჩასაცმელ სამოსს გვთავაზობს. ბრენდი სამი მეგობარი გოგოს შექმნილია, რომლებმაც ოცნება აიხდინეს და უკვე აქვთ საქმე, სადაც არჩევანში თავისუფლები არიან, წესებს თავად ადგენენ და წარმატების ფორმულასაც თავად ქმნიან.
2023 TheDiary-სთვის სიახლეებით დახუნძლული წელი აღმოჩნდა. თუმცა საინტერესო კოლაბორაციების და მნიშვნელოვანი თანამშრომლობების ფონზე, არ დაგვიწყებია ჩვენთვის, ერთ-ერთი ყველაზე ღირებული რუბრიკა: GOGO!, რომლის დახმარებითაც TheDiary დაარსების დღიდან ცდილობს მხარი დაუჭიროს და გააძლიეროს ანტრეპრენერი ქალები და მათი ძვირფასი წამოწყებები. ათეულობით შთამაგონებელი ისტორიის მოსმენის შემდეგ, გვინდა ის გოგოები გამოვარჩიოთ, რომლებმაც თავიანთი მიზანსწრაფულობით, მრავალმხრივი აზროვნებითა და შრომით, შთაგვაგონეს ჩვენც და ჩვენი მკითხველიც.
დაახლოებით ერთი თვის წინ, თბილისის შუაგულში, ირაკლი აბაშიძის #61-ში, ახალმა კონცეპტუალურმა მაღაზიამ - Movement დაიდო ბინა. მაღაზიის დამფუძნებელი მარიამ აბულაძეა, რომლისთვისაც მოდა ცხოვრების უდიდეს ნაწილად უკვე წლებია იქცა.
