გამომშრალი სახის კანის მიდამოები ტუჩების ირგვლივ თუ ცხვირის არეში, ყოველთვის კონკრეტული პრობლემების არსებობაზე მიგვანიშნებენ და მათი გამომწვევი მიზეზები, მხოლოდ დეჰიდრატაციაში როდი უნდა ვეძებოთ. ჩვენი სახის კანი შესაძლოა ეკოლოგიური პრობლემების, კერძოდ კი დაბინძურების მაღალი მაჩვენებლით იტანჯებოდეს, ან სულაც ჰორმონალური დარღვევისა თუ ემოციური დისბალანსის შესახებ მიგვანიშნებდეს.
რაც არ უნდა იყოს საბაბი, ალბათ დაგვეთანხმებით, რომ დიაგნოზს სწორი და დროული დასმა და მკურნალობა ესაჭიროება.
სიმშრალე ცხვირის გარშემო
როგორც დერმატოლოგები იუწყებიან, ცხვირის გარშემო სიმშრალეს ორი ძირითადი მიზეზი განაპირობებს: პირველი, ეს შეიძლება იყოს კუჭის პრობლემები, როგორიცაა გულძმარვა ან საჭმლის მონელების გართულება. მეორე შემთხვევაში კი გამომშრალ არეს სახეზე, ემოციური პრობლემებით ხსნიან, რაც შესაძლოა შფოთვით და წუხილით გამოიხატოს.
სიმშრალე ტუჩების გარშემო
გამომშრალი კანი ზედა ტუჩსა და ცხვირს შორის წვრილი ნაწლავის პრობლემებზე მიგვანიშნებს, რაც შესაძლოა ბაქტერიული ფონით აიხსნას. თუმცა, ემოციური არამდგრადობა, განსაკუთრებით კი მწუხარება, სტრესი და სევდა, სახის ამ ნაწილშიც შესაძლოა გახდეს სიმშრალის გამომწვევი მიზეზი.
ნიკაპი და ჰორმონალური ცვლილებები
ნიკაპსა და ტუჩების გარშემო გამონაყარს დერმატოლოგები ჰორმონალური ცვლილებებით ხსნიან და იმავე მიზეზს უკავშირებენ ამ არეალში სიმშრალეს. ამიტომ ნუ შეშინდებით, სახის ამ ნაწილის სიმშრალე მენსტრუაციის ან მენოპაუზის დაწყებას მოგვასწავებენ.
სიმშრალე შუბლის მიდამოებში
დერმატოლოგები განმარტავენ, რომ შუბლის სიმშრალე შეიძლება გამოწვეული იყოს შარდის ბუშტის პრობლემებით ან ისეთი ემოციური ფონით, როგორსაც შიში და სტრესი წარმოქმნის.
სახის კანის ჭარბი ცხიმიანობა
მნიშვნელოვანია აღინიშნოს, რომ კანის სიმშრალის გარდა არსებობს აგრეთვე ერთი გავრცელებული პრობლემა, რომელსაც ჭარბ ცხიმიანობას ვუწოდებთ და რომლის გამოჩენაც ყურადსაღებია. ხშირად მოჭარბებული ცხიმიანობა ჰორმონალური დარღვევის, სტრესის ან დიეტური დისბალანსის ნიშნებს გვკარნახობენ.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
