ქართული მოდის პოპულარიზაციისა და ქართველი დიზაინერების მსოფლიო მოდის ასპარეზზე გაყვანის საქმე ყოველდღიურად უფრო დიდი ნაბიჯებით მიიწევს წინ. პროგრესმა, განვითარებისა და საზღვრების გაფართოების, ახალი შესაძლებლობების გაჩენისა და კიდევ უფრო სწრაფი ნაბიჯებით სვლის აუცილებლობა გამოიწვია და ვერაფერი წარმოგვიდგენია იმაზე ძლიერ ბერკეტად ჩვენი ქვეყნისთვის, ვიდრე მოდის სკოლა საქართველოში.
ნიჭიერი, კრეატიული და შემოქმედებითი უნარის მქონე დიზაინერებისთვის სასიცოცხლოდ მნიშვნელოვანი მოდის სკოლის გახსნის საჭიროებას, მერსედეს-ბენც მოდის კვირეულის დამფუძნებელი, მისი ორგანიზატორი და შემოქმედებითი ხელმძღვანელი სოფო ჭყონია ხშირად აღნიშნავდა ინტერვიუებში, გუშინ კი სოფომ საკუთარ Facebook გვერდზე ქართული მოდის სკოლის პირველი ვიზუალური რენდერი გაგვიზიარა.
პირველი ქართული მოდის, ხელოვნებისა და დიზაინის სკოლის რენდერები დავით ქოიავას ეკუთვნის, შავ გარე ფასადსა და სარკისებრ დეტალებს, იდეალურად ერწყმის ბუნებრივი გამწვანება, როგორც ექსტერიერში, ასევე ინტერიერში. რაც შეეხება შიდა სივრცეს - ის თანამედროვე და კლასიკური სტილის ნაზავს წარმოადგენს.
მულტიფუნქციური სასწავლებელი სივრცე მაქსიმალურად იქნება მორგებული სტუდენტების საჭიროებებზე, მოსალოდნელია, რომ მოდის, ხელოვნებისა და დიზაინის სკოლაში სწავლის შესაძლებლობა, როგორც ქართველ, ისე უცხოელ სტუდენტებს შეეძლებათ, რაც პირველ ყოვლისა, კულტურული, ეთნიკური თუ რელიგიური ცოდნის გაცვლისა და პიროვნული ზრდის საშუალებას მისცემს თითოეულ მოსწავლეს.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
