გაზაფხულის ამ ცივ და თოვლიან ღამეს უკრაინული კულინარიის ერთ-ერთ ყველაზე გამორჩეულ კერძზე რას იტყოდით? უკრაინული სამზარეულო ცნობილია მისი მრავალფეროვნებითა და მაღალი გემოვნებითი მახასიათებლებით, ამ ქვეყნის სამზარეულოს კერძთა უმრავლესობა მომზადებამდე დამუშავების რთულ პროცესს გადის, თუმცა არსებობს ერთი საოცრად გემრიელი და მარტივად მოსამზადებელი კერძი - ვარენიკები ალუბლით, რომელიც თქვენგან დიდ ძალისხმევას სულაც არ მოითხოვს, მიღებული შედეგი კი ყოველ დახარჯულ წუთად ღირს.
If.ge-სთან ერთად წარმოგიდგენთ, უკრაინული ვარენიკების რეცეპტს:
ინგრედიენტები:
ფქვილი 300-350 გრ.
კვერცხი 1 ცალი
წყალი 100 გრ.
შაქარი 120 გრ.
ალუბალი 300 გრ.
მარილი მწიკვი
მომზადების წესი:
უკურკო ალუბალს მოაყარეთ შაქარი და გააჩერეთ 10-15 წთ.
ჯამში მოათავსეთ ფქვილი, დაუმატეთ მარილი. კვერცხი და წყალი ერთად ათქვიფეთ და ჩაასხით ფქვილში, მოზილეთ და დაასვენეთ 30 წთ.
ცომი გააბრტყელეთ და ამოჭერით მრგვალი ფორმები, ცომში მოათავსეთ ალუბალი და მიეცით ვარენიკის ფორმა. ადუღებულ წყალში ჩაყარეთ მარილი და მოათავსეთ ვარენიკები. მოხარშეთ.
მოაყარეთ კენკრა მზა ვარენიკებს.
მიირთვით გემრიელად!
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
2024 წელს OpenAI და META ხელოვნური ინტელექტის საოცარ განვითარებას აანონსებენ. ახალი, გაუმჯობესებული შესაძლებლობების მქონე აპლიკაციები, ვებგვერდები თუ "ჭკვიანი სათვალეები" სადაცაა ფართო საზოგადოებისთვის ხელმისაწვდომი გახდება.
Nail Bar #1 2015 წლიდან არსებობს და პირველი იყო, რომელმაც ქართველ მომხმარებელს ფრჩხილების მოვლის სერვისისთვის ცალკე სივრცე შესთავაზა. დღეს კი უკვე სამ ლოკაციაზე, თბილისის ცენტრალურ უბნებში, ფრჩხილებთან ერთად წარბების, წამწამების მოვლასა და პროფესიონალურ მაკიაჟსაც გვთავაზობს.
