ამ პოლიტიკურ გაწამაწიაში, რომელშიც დღეს მე, თქვენ და სრულიად საქართველო იმყოფება, ვიყოთ ტრენდულები, ვისაუბროთ პოლიტიკაზე, მაგრამ წარსულ ფორმაში და დეკორის ჭრილში, სჯობს, არა?! დაგაინტერესებდათ თუ არა, მსოფლიოს უდიდესი ქვეყნის ყველაზე გახმაურებული პრეზიდენტის სახლში ცალი თვალით მაინც შეჭყეტა? ჰო და ჩვენც აქ ვართ და დღეს ჯონ კენედის სახლში გამოგზაურებთ. რა იცით, ვისთვის სახლის დეკორის ინსპირაციად იქცეს, მავანს კი 3 ოქტომბრებს არჩევნებზე წასვლა მოუნდეს.
ყოფილი პრეზიდენტი ჯონ კენედი ცხოვრობდა წითელი აგურის, სამ ოთახიან სახლში თავის დასთან ერთად, 1949-51 წლებში. ეს პერიოდი განსაკუთრებით მნიშვნელოვანი იყო JFK– ის ცხოვრებაში, სწორედ ამ დროს ის წარმოადგენდა მასაჩუსეტსს სენატში და ემზადებოდა საპრეზიდენტო კამპანიისთვის. ვაშინგტონის სახლი ნამდვილად შესაფერისია გამოჩენილი პოლიტიკოსისთვის, თავისი მდებარეობით, განსაცვიფრებელი ხედებითა და გარე სივრცეებით. სახლი 1800 წელს აშენდა, ასე რომ მას ჯონ კენედიმდეც ჰქონდა საკმაოდ საინტერესო ისტორიები, თუმცა იმ დროიდან ეს სახლი, საკმაოდ ფაქიზად და ელეგანტურად განახლდა.
ორსართულიანი ატრიუმი ინტერიერის განახლების შემდეგ დაემატა. ცნობილმა არქიტექტორმა რიჩარდ ფოსტერმა და მშენებელმა ტომ გლასმა, რომლებმაც სახლის განახლებაზე იზრუნეს, მას თანამედროვეობა შესძინეს, თუმცა ისტორიაც შეუნარჩუნეს.
სამზარეულოს მაღალტექნოლოგიური მოწყობილობებით არის აღჭურვილი.
სასადილო ოთახის კარებს გარე პატიოში გავყავართ. ეს შესანიშნავი ადგილია თბილი საღამოების გასატარებლად სადილამდე ან მის შემდეგ.
სახლი მდიდარია გარე სივრცეებით და ერთ-ერთი მათგანი ეს ტერასაა.
მისაღები ოთახის ძირითადი დეტალები ხისგან შედგება, ხის არის ასევე იატაკი, რომელსაც აზიური სტილის ხალიჩა ამშვენებს.
მეორე სართულზე კი ისტორიულ, ხის ბიბლიოთეკას აღმოაჩენთ. წამით დახუჭეთ თვალები და წარმოიდგინეთ, რომ ჯონ კენედი აქ მუშაობდა.
სახლს სულ სამი საძინებელი აქვს, ხოლო ერთ-ერთში შეგიძლიათ ბუხარი ააგიზგიზოთ.
თქვენი ნებაა სად წარმოიდგინეთ ჯონ კენედის ბიბლიოთეკაში თუ აბაზანაში. სხვათა შორის აბაზანა მთლიანად თეთრ მარმარილოშია შესრულებული.
ვის არ უოცნებია ტერასა-სახურავზე. თბილ თვეებში ეს ტერასა იდეალურია სადილებისთვის ან წვეულებებისთვის. გაგიკვირდებათ და აქ პატარა სამზარეულოც არის.
სახლს შესაშური ხედი აქვს ვაშინგტონზე.
არც გარაჟის არ ქონით გაგაწბილებთ პრეზიდენტის სახლი.
საინტერესო ფაქტი: პრეზიდენტ ჯონ კენედის ჯორჯთაუნის ეს რეზიდენცია დღეს 4.6 მილიონ დოლარად იყიდება.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
