მოდით შევთანხმდეთ, რომ თბილისში ყველა საჭირო ლოკაცია ზეპირად ვიცით. ისიც ვიცით, სად უნდა წავიდეთ კონკრეტული სიტუაციის, საკვების, თუ სერვისის მისაღებად. რას იტყოდით, თქვენი სურვილებისთვის თავი ერთ კონკრეტულ ლოკაციაზე რომ მოეყარათ, ლამაზად შეეფუთათ და ისეთ გარემოში მოეყარათ თავი, რომელიც აქამდე თბილისში არ შეგხვედრიათ? The Diary ახალ, საინტერესო და კომპლექსურ სივრცეს წარმოგიდგენთ, რომელიც პირველ რიგში მოტო მოყვარულებისთვის და შემდეგ ყველა დანარჩენისთვის must go ლოკაცია მალე გახდება.
Moto Hub თქვენი ორთვლიანი სატრანსპორტო საშუალებისთვის ნამდვილი სამოთხეა, თუმცა ტერიტორიაზე განლაგებული ე.წ. დრაივი და კაფე-ტერასა არც სხვა სატრანსპორტო საშუალებების მეპატრონეებს დაგწყვეტთ გულს (თუ გნებავთ, საზოგადოებრივი ტრანსპორტით მიბრძანდით). ალტერნატიული სივრცე ერთდროულად მოტო სერვისი, გემრიელი ყავის დასაგემოვნებელი კუთხე და მალე ,,გაპონტებადი” ლოკაციაა. (If you know what I mean?!)
Moto Hub-ის შემქმნელი ცნობილი ქართველი მოტო მრბოლელი - გიორგი (ჯიჯი) აბაშიძეა, შესაბამისად Moto Hub-ის ტერიტორიაზე ,,პურთან” ერთად სანახაობასაც თუ წააწყდით, ნუ გაგიკვირდებათ. მოტო მოყვარულების წრეში არასდროს მოიწყენთ.
ჰაბის კიდევ ერთი ხიბლი დეტალებში გათვლილი ატმოსფეროა, რომელიც შესასვლელთან მდებარე კედლით იწყება. ამ უკანასკნელს ახალგაზრდა ქართველი ხელოვანის - სალი ნიკოლაიშვილის ნახატი ამშვენებს. მოკლედ, ბევრი რომ არ იკითხოთ, ერთი დღე აუცილებლად დაგეგმეთ და აუცილებლად ეწვიათ ადგილს, სადაც ყველაფერი ერთ სივრცეშია!
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
2024 წელს OpenAI და META ხელოვნური ინტელექტის საოცარ განვითარებას აანონსებენ. ახალი, გაუმჯობესებული შესაძლებლობების მქონე აპლიკაციები, ვებგვერდები თუ "ჭკვიანი სათვალეები" სადაცაა ფართო საზოგადოებისთვის ხელმისაწვდომი გახდება.
Nail Bar #1 2015 წლიდან არსებობს და პირველი იყო, რომელმაც ქართველ მომხმარებელს ფრჩხილების მოვლის სერვისისთვის ცალკე სივრცე შესთავაზა. დღეს კი უკვე სამ ლოკაციაზე, თბილისის ცენტრალურ უბნებში, ფრჩხილებთან ერთად წარბების, წამწამების მოვლასა და პროფესიონალურ მაკიაჟსაც გვთავაზობს.
