არიანა გრანდემ და დალტონ გომესმა საიდუმლო ქორწილის ინფორმაცია დაადასტურეს და მეტიც, სოციალური ქსელის მეშვეობით გამომწერებს თავიანთი მნიშვნელოვანი დღის ფოტოსურათებიც გაუზიარეს. Instagram-ზე გამოქვეყნებულ ფოტოკოლაჟს არიანამ ქორწილის თარიღიც 15.05.21 შემატა.
როგორც ინსაიდერები ირწმუნებოდნენ, არიანასა და დალტონის ქორწილის ცერემონია, ნამდვილად ვიწრო წრეში გაიმართა, მათსავე სახლში, წყვილის გვერდს კი მათი მეგობრები და ოჯახის წევრები ამშვენებდნენ. ახლადშეუღლებულებმა საქორწინო ფოტოსესია პირდაპირ მისაღებ ოთახში მოაწყვეს და საშუალება მოქვეს არიანას თვალისმომჭრელი საპატარძლო კაბისთვის შეგვევლო თვალი.
ტანზე მომდგარი, აბრეშუმის უმხრო თეთრი კაბა Vera Wang-ს ეკუთვნის, დიზაინი სპეციალურად არიანასთვის შეიქმნა და მათ თანამშრომლობას წინ პრეისტორიაც უძღვის. 2018 წელს, მომღერალი Met Gala-ზე სწორედ ვერა ვანგის სამოსით წარსდგა, მაშინ დიზაინერმა არიანას პირობა მისცა, რომ მის საპატარძლო კაბას თავად შექმნიდა, როდესაც ამის დრო მოვიდოდა.
არიანა გრანდეს კაბა ოდრი ჰეპბერნის სტილით გახლდათ შთაგონებული, უმშვენიერეს ქმნილება მინიმალისტური ნამუშევარია არიანას პირადი სტილის შტრიხების გათვალისწინებით.
არიანა გრანდემ სამომავლო ქორწინების შესახებ სიახლე დეკემბრის თვეში გაგვიზიარა, როდესაც სოციალურ ქსელში დალტონთან ერთად გადაღებული ფოტოები და ბრილიანტისა და მარგალიტის ნიშნობის ბეჭედი განათავსა.
წყვილმა ურთიერთობა 2020 წლის იანვარში დაიწყო და ყველაფერი მალევე გახდა ოფიციალური. არიანა და დალტონი ერთად დიდ დროს ატარებდნენ, კარანტინის პერიოდიც ერთად გადააგორეს და როგორც ჩანს ამ პერიოდმა საკუთარი გრძნობებისა და არჩევანის სისწორეში ორივე დაარწმუნა. გომესმა ურთიერთობის დაწყებისთანავე სამუშაო ლოკაცია შეიცვალა და გრანდესთან ახლოს ლოს-ანჯელესში დასახლდა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
2024 წელს OpenAI და META ხელოვნური ინტელექტის საოცარ განვითარებას აანონსებენ. ახალი, გაუმჯობესებული შესაძლებლობების მქონე აპლიკაციები, ვებგვერდები თუ "ჭკვიანი სათვალეები" სადაცაა ფართო საზოგადოებისთვის ხელმისაწვდომი გახდება.
Nail Bar #1 2015 წლიდან არსებობს და პირველი იყო, რომელმაც ქართველ მომხმარებელს ფრჩხილების მოვლის სერვისისთვის ცალკე სივრცე შესთავაზა. დღეს კი უკვე სამ ლოკაციაზე, თბილისის ცენტრალურ უბნებში, ფრჩხილებთან ერთად წარბების, წამწამების მოვლასა და პროფესიონალურ მაკიაჟსაც გვთავაზობს.
