პრინცმა უილიამმა და ქეით მიდლტონმა შვილებთან ერთად საცხოვრებელი შეიცვალეს, კემბრიჯელები ამიერიდან დიდი უინძორის პარკის სამკვიდროში ადელაიდის კოტეჯში დაიდებენ ბინას, უინძორის სასახლიდან სულ რაღაც 10 წუთის მოშორებით მდებარე კოტეჯს დიდი და საკმაოდ მდიდარი ისტორია აქვს, ინტრიგებითა და საიდუმლოებებით სავსე.
კოტეჯი 1831 წელს მეფე უილიამ IV-ის ბრძანებით, დედოფალ ადელაიდისთვის აშენდა. უინძორში ყოფნის დროს, სამეფო ოჯახის წევრები დიდი სიამოვნებით ატარებდნენ დროს ამ კოტეჯში. მეფის გარდაცვალების შემდეგ მისმა ქვრივმა საყვარელი სახლის მონახულება შეწყვიტა, კოტეჯი გარკვეული დროით დაიკეტა და მხოლოდ დედოფალ ვიქტორიას ტახტზე ასვლის შემდეგ შეიძინა მეორე სიცოცხლე. დედოფალს იმდენად შეჰყვარებია ეს სახლი, რომ წლების შემდეგ მის მიწაზე, საუკეთესო მეგობარი - ძაღლი დაშიც კი დაუმარხავს.
გასულ საუკუნეში, კოტეჯის ყველაზე გამორჩეული მკვიდრი კაპიტანი პიტერ ტაუნსენდი გახლავთ, ერთ დროს პრინცესა მარგარეტის გულის სწორი. პიტერი კოტეჯში 1944 წელს, მეუღლესთან და მცირეწლოვან შვილთან ერთად გადავიდა. იმ დროისთვის კოტეჯი საკმაოდ ბინძური და არაკომფორტული საცხოვრებელი გახლდათ, მოძველებული ვიქტორიანული დეკორით და შეზღუდული ელექტროენერგიით, რომელიც მხოლოდ ერთ გამათბობელსა და მტვერსასრუტს ამუშავებდა ერთდროულად.
პრინცესა მარგარეტისა და პიტერ ტაუნსენდის უიღბლო სასიყვარულო ურთიერთობის შესახებ საქვეყნოდ იყო ცნობილი. მომავალი დედოფლის უმცროს დას დაოჯახებული მამაკაცი ადრეულ ასაკში შეუყვარდა, მათი გრძნობა ორმხრივი აღმოჩნდა, პიტერი მეუღლესთანაც განქორწინდა, თუმცა პრინცესა მარგარეტზე დაქორწინების უფლება სწორედ განქორწინებულის სტატუსის გამო არ მიეცა. პიტერთან განშორება პრინცესისთვის მტკივნეული დარტყმა აღმოჩნდა, მარგარეტმა ოჯახი მხოლოდ 7 წლის შემდეგ ენტონი არმსტრონგ-ჯონსზე იქორწინა.
ადელაიდის კოტეჯიდან პიტერ ტაუნსენდის გადასვლის შემდეგ, სამეფო რეზიდენციამ რამდენიმე მფლობელი გამოიცვალა, მისი ბოლო მაცხოვრებელი სიმონ როდსი - დედოფლის ბიძაშვილის, მარგარეტის შვილი გახლდათ. 2015 წელს, სიმონის გარდაცვალების შემდეგ, ადელაიდის კოტეჯი სრულად განახლდა, პოტენციურად ეს სახლის პრინცი უილიამისა და ქეით მიდლტონის საცხოვრებლად განიხილებოდა.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
