The Favorite-ის შემდეგ, ემა სტოუნი და რეჟისორი იორგოს ლანთიმოსი ახალი სიურრეალისტური ფილმის Poor Things-სთვის გაერთიანდნენ. ფილმი არის ისტორია სიყვარულის, აღმოჩენისა და გაბედულების შესახებ და დაფუძნებულია ალასდეირ გრეის ამავე სახელწოდების რომანზე.
ეს ემა სტოუნისთვის, 2021 წლის Cruella-ს შემდეგ, პირველი როლი და იორგოს ლანთიმოსთან რიგით მესამე კოლაბორაციაა. 2018 წელს, იდუმალი ბერძენი რეჟისორის The Favourite-ში მონაწილეობისთვის, ემამ ოსკარის ნომინაცია მოიპოვა, მსახიობმა ასევე ითამაშა ლანთიმოსის მოკლემეტრაჟიან ფილმ Bleat-ში.
ოფიციალური მოკლე შინაარსის მიხედვით, Poor Things ყურადღებას ამახვილებს ბელა ბაქსტერის (სტოუნის) წარმოუდგენელ ზღაპარსა და ფანტასტიკურ ევოლუციაზე, ახალგაზრდა ქალის, რომელიც სიცოცხლეში დაბრუნდა ბრწყინვალე და არაორდინალური მეცნიერის დოქტორ გოდვინ ბაქსტერის (უილემ დეფო) დამსახურებით. ბაქსტერის მფარველობით, ბელას სწავლის დაუძლეველი სურვილი აქვს. ამქვეყნიური ცოდნის აღმოსაჩენად, ბელა ადვოკატ დუნკან ვედერბერნთან (მარკ რუფალო) ერთად თავგადასავალში გარბის. წინა ცხოვრების ცრურწმენებისგან თავისუფალი, ბელა მტკიცეა თავისი მიზნის, თანასწორობისა და თავისუფლების შესახებ.
ემა სტოუნის თქმით, ბელას ესმის რას ნიშნავს იყო ამ საზოგადოების წევრი ქალი და რამდენადაა ეს ცოდნა დაკავშირებული სექსთან, „ბელას სექსუალობა ამბის წარმოუდგენლად მნიშვნელოვანი ნაწილია“, - ამბობს სტოუნი. „ადამიანის გამოცდილება მისთვის მომხიბლავია და სექსი ამის მთავარი ნაწილია... მე მინდოდა მეთამაშა ბელას როლი, რადგან ეს გულისხმობდა იმის მიღებას თუ რას ნიშნავს იყო ქალი, იყო თავისუფალი, შეშინებული და ძლიერი“.
სტოუნის, დეფოსა და რუფალოს გარდა, ფილმში ასევე მონაწილეობენ ჯეროდ კარმაიკლი, რამი იუსეფი, კრისტოფერ ებოტი, მარგარეტ კუელი, კეტრინ ჰანტერი, სუზი ბემბა და უეინ ბრეტი.
Poor Things კინოთეატრებში 2023 წლის 8 დეკემბერს გამოვა. მანამდე კი მისი მსოფლიო პრემიერა 1-ელ სექტემბერს, ვენეციის 80-ე საერთაშორისო კინოფესტივალზე შედგა.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
რომან დოლიძისა და კევინ ჰოლანდის ბრძოლა მხოლოდ ერთი რაუნდი გაგრძელდა, რადგან ჰოლანდმა ნეკნის დაზიანება მიიღო. გამარჯვების შემდეგ, რომანმა UFC-ის მიმართა, რომ შემდეგი ბრძოლა დეკემბერში სურს.